بەختیار هەڵەبجەیی چالاکییەکی تایبەت بۆ بایکۆتکردنی کاڵای تورکیی ئەنجام دەدات

هونەرمەند بەختیار هەڵەبجەیی، بە شێوازێکی تایبەت بانگەوازیی بۆ بایکۆتکردنی کاڵای تورکیی دەکات و دەڵێت: بە نەکڕینی کاڵایەک، فیشەکێکی دەوڵەتی تورک کەم دەبێتەوە.


هونەرمەندی پەیکەرساز بەختیار هەڵەبجەیی، بەناو بازاڕ و کوچەوکۆڵانەکانی شاری سلێمانییدا دەگەڕێت و پانکارتێکی بەدەستەوە گرتووە، کە لەسەری نووسراوە"من بایکۆتی کاڵای تورکیی دەکەم، ئێوەش هاوکارم بن".

بەختیار هەڵەبجەیی دەیەوێت لەڕێگای ئەو چالاکییەوە، دەنگی بگەیەنێت بە هاوڵاتیان بۆ بایکۆتکردنی کاڵاکانی ئەو دەوڵەتە داگیرکەرە و وشککردنی ئابوورییەکەی لە باشوری کوردستان.

چالاکیی ئەو هونەرمەندە، وەک هەڵوێستێکە لەبەرامبەر هێرشی دڕندانەی داگیرکەری تورک بۆسەر باکور و ڕۆژهەڵاتی سوریا.

لەبارەی کاریگەریی چالاکییەکەی، بەختیار هەڵەبجەیی بە ڕۆژنیوزی وت: بە نەکڕینی کاڵایەک، فیشەکێکی دەوڵەتی تورک کەم دەبێتەوە، کە بۆ کوشتنی هاوڵاتیانی کورد بەکاری دێنێت.

جێگای ئاماژەیە، لەباشوری کوردستان لەڕێگای تۆڕی کۆمەڵایەتیشەوە هەڵمەتێکی بەرفراوان بۆ بایکۆتکردنی کاڵای تورکیی دەستیپێکردووە.

ش.ف