ئاژانسی هەواڵی هاوار بڵاویکردەوە، ئەمڕۆ جارێکیتر گروپە چەتەکانی سەر بە سوپای تورک لە گەڕەکی جەمیەت زەهرا-ی نزیکی حەلەبەوە، گەڕەکی نیل-ی حەلەبیان تۆپبارانکرد.

لە ئەنجامی تۆپبارانەکەدا ژمارەیەک هاوڵاتی مەدەنی برینداربوون و زیانی ماددیشی لێکەوتووەتەوە.

دوێنێش چەتەکانی تورک گەڕەکی حەمدانێ-ی حەلەبیان تۆپبارانکرد، بەهۆیەوە پێنج هاوڵاتی مەدەنی برینداربوون.

ئەم تۆپبارانانەی چەتەکانی تورک بۆ سەر حەلەب لەکاتێدایە، ڕۆژی ١٧ی ئەم مانگە ڕوسیا و تورکیا ڕێککەوتن لەسەر دروستکردنی ناوچەیەکی ئارام لە ناوچەکانی ڕۆژئاوای شاری حەلەب.

ب.ل