لە شەش مانگدا زیاتر لە یەك ملیۆن و ٣٠٠ هەزار گەشتیار هاتوونەتە هەرێمەوە

بە وتەی وتەبێژی دەستەی گەشتوگوزاری هەرێم، لە ماوەی شەش مانگی ئەمساڵدا یەك ملیۆن و ٣١٠ هەزار گەشتیار هاتونەتە هەرێمی كوردستان.


ئەمڕۆ لە لێدوانێكدا بۆ ڕۆژنیوز، نادر ڕۆستی، وتەبێژی دەستەی گەشتوگوزاری هەرێم، باسی لە ئاماری هاتنی گەشتیاران كرد بۆ هەرێمی كوردستان.

نادر ڕۆستی وتی: لە ماوەی شەش مانگی یەكەمی ئەمساڵدا یەك ملیۆن و ٣١٠ هەزار گەشیار لە ناوەڕاست و خواروی عێراق و ئێران و وڵاتانی بیانییەوە ڕوویان لە هەرێمی كوردستان كردوە.

وتیشی: لە ٨٢%ی گەشتیاران لە خوارو و ناوەڕاستی عێراقەوە هاتوون، لە ١٣% لە ئێران و لە ٥% لە وڵاتانی بیانییەوە هاتوون.

وتەبێژی دەستەی گەشتوگوزاری هەرێم باسی لەوەش كرد: بەهۆی داخرانی فڕۆكەخانەكان و دابەزینی دراوی ئێرانی و هەبوونی ڕسومات لەسەر گەشتیاری ئێرانی، گەشتیاری ئێرانی و بیانیی لەم شەش مانگە كەمی كردوە، بەڵام بە شێوەی گشتی بەراورد بە شەش مانگی ساڵانی ڕابردوو ژمارەی گەشتیاران زۆر زیادی كردوە، ئەوەش بەهۆی هاتنی گەشتیاران لە ناوەڕاست و باشوری عێراقەوە.

 

ك.ك/ب