باڵیۆزی ئەمریکا لە عێراق ڕایگەیاند، وڵاتەکەمان نرخی دۆلار دیاری ناکات و سزای بەسەر بانکە نوێیەکانی عێراقدا نەسەپاندووە، دەشڵێت، ئەم ڕێکارانە دوو ساڵ لەمەوبەر لەلایەن بانکە عێراقییەکانەوە دەستیپێکردووە، بەپێی ڕێککەوتنی نێوان بانکی فیدراڵی ئەمریکا و بانکی ناوەندی عێراق بووە.
ئالینا ڕۆمانۆڤسکی، باڵیۆزی ئەمریکا لە عێراق لە چاوپێکەوتنێکى تەلەفزێونیدا ڕایگەیاند، وڵاتەکەمان نرخی ئاڵوگۆڕی نێوان دۆلار و دینار دانانێت و دیاری ناکات، هەروەها سزای نوێی بەسەر بانکەکانی عێراقدا نەسەپاندووە.
وتیشى، ئەم ڕێکارانە دوو ساڵ لەمەوبەر لەلایەن بانکە عێراقییەکانەوە دەستیپێکردووە، بەپێی ڕێککەوتنی نێوان بانکی فیدراڵی ئەمریکا و بانکی ناوەندی عێراق بووە.
ئەوەش لەکاتێکدایە، ماوەى چەند ڕۆژێکە بەرزبونەوەى نرخى دۆلار بەرامبەر دینارى عێراقى ئاستێکى پێوانەى تۆمارکرد و بەجۆرێک لە هەفتەى ڕابردوودا نرخى ١٠٠ دۆلار بەرامبەر ١٦٩ هەزار دینار مامەڵەى پێوە کرا.
ئ.م
