ئەنجومەنى فیدڕاڵى سویسرا بڵاویکردەوە، لەچوارچێوەی بڕیارەکانی یەکێتی ئەوروپا و وڵاتانى رۆژئاوا لەبارەى سزادانی رووسیا بەهۆى هێرشکردنە سەر ئۆکراین، بڕیارماندا هاوردەکردنی زێڕ لە ڕووسیاوە بۆ وڵاتەکەمان قەدەغە بکەین، دەشڵین، بڕیارەکە لەسەرەتاى ئەم هەفتەوە دەکەوێتە بوارى جێبەجیکردنەوە.
ئەنجومەنى فیدڕاڵى سویسرا لە ڕاگەیەندراوێکدا بڵاویکردەوە، لەچوارچێوەی بڕیارەکانی یەکێتی ئەوروپا و وڵاتانى رۆژئاوا لەبارەى سزادانی رووسیا بەهۆى هێرشکردنە سەر ئۆکراین، بڕیارماندا هاوردەکردنی زێڕ لە ڕووسیاوە بۆ وڵاتەکەمان قەدەغە بکەین.
لە بەشێکى دیکەى ڕاگەیەندراوەکەى ئەنجومەنى فیدڕاڵى سویسرادا ئەوەخراوەتەڕوو، بڕیارەکە لەسەرەتاى ئەم هەفتەوە دەکەوێتە بوارى جێبەجیکردنەوە.
سویسرا، وڵاتێکە هەمیشە بە هەڵوێستی بێلایەنی خۆی ناسراوە لە ململانێ جیهانییەکاندا، بەڵام پاش هێرشەکانى ڕووسیا بۆسەر ئۆکراین لە مانگى شوباتى ئەمساڵدا کۆتاى بە بێلایەنی خۆی هێنا و سەبارەت بە سەپاندنی سزا جۆراوجۆرە ئابورییەکان بەسەر رووسیادا هەمان هەڵوێستی یەکێتی ئەوروپای هەبوو.
جێگەى ئاماژەیە، كەرتى نەوت، غازى سروشتى و زێڕ سێ سەرچاوەى سەرەكى داهاتى رووسيان، بەڵام وڵاتانى ئەوروپا و ئەمریکا بەهۆى هێرشەکانى ڕووسیا بۆسەر ئۆکراین دەیانەوێت سزاى ئەو کەرتانە بدەن .
ئ.م
