سەرۆکى فراکسیۆنى یەکگرتوو لە پەرلەمانى هەرێم ئاشکرای دەکات، حکومەتى هەرێم بەنزینی ٨٠٠ دیناری بە ٤٠٠ دینار به‌رهه‌م ده‌هێنێت و بۆ هەر لیترێکیش بڕى ٤٠٠ دینار لە فرۆشتنەوەى بە هاوڵاتیان قازانج دەکات.
شێرکۆ جەودەت، سەرۆکى فراكسیۆنی یەكگرتوو لە پەرلەمانی هەرێمى كوردستان، ئەمڕۆ لە کۆنگرەیەکى ڕۆژنامەنووسییدا ڕایگەیاند: ئەو قسانەى، كه وتەبێژی حکومەت لەبارەى موچەى پاشەکەوتکراوى فەرمانبەرانەوە کردى، کە گوایە ئەو موچە پاشەکەوتکراوانە لاى بەغدایە، بەهۆى ئەوەى پلەى وەزیرە پێویستە بانگهێشتی پەرلەمان بکرێت لێپرسینه‌وه‌ی لەگەڵ بکرێت، چونکە لێدزینى مووچە لەلایەن حکومەتى هەرێمەوەکراوە نەک بەغدا.
شێرکۆ جەودەت ئاماژەى بەوەشکرد: سەرۆکی حکومەت بوونى دوو ئیدارەیی و دوو دارایی و دوو ئاسایشی دەبنە پێوەر بۆحکومڕانی نەک بوونی دوو ملیۆن ئۆتۆمبێل، چونکە زۆری ئۆتۆمبێل پێوەرنیە بۆ خۆشگوزەرانی.
سەرۆکى فراکسیۆنى یەکگرتوو ئاشکراشی کرد: حکومەتى هەرێم بەنزینی ٨٠٠ دیناری بە ٤٠٠ دینار به‌رهه‌م ده‌هێنێت و بۆ هەر لیترێکیش بڕى ٤٠٠ دینار لە فرۆشتنەوەى بە هاوڵاتیان قازانج دەکات و ئەوەش وەک دەستکەوت نیشان دەدات و دەیکاتە منەتیش بەسەر هاوڵاتیانەوە.
شێرکۆجەودەت له‌باره‌ی هه‌مواركردنه‌وه‌ی یاسای نه‌وت و گاز ڕایگه‌یاند: ئه‌و هه‌مواره‌ی هێنراوه بۆ په‌رله‌مان مه‌به‌ست لێی پشک پشکینەی نێوان خۆیانه تا پارتی کورسیەکی لەئەنجومەنی نەوت و گاز زیاد ببێت لەکاتێکدا نایەن لە ناشەفافی و نادیاری داهاتی نەوت بکۆڵنەوە.
لە ڕۆژى ١٩ ى ئەم مانگەدا كەمال محەمەد ساڵح وەزیری كارەبا و وەزیری سامانە سروشتیەكان بەوەكالەت ڕایگەیاند: هە لیترێک لەو بەنزینەى، کە ٨٠٠ دینار دەفرۆشرێتە هاوڵاتیان بڕى هەزار و ٢٠٠ دینار لەسەر حکومەت دەکەوێت لەکاتێکدا ماوەى چەند ڕۆژێکە لەلایەن شۆفێرانەوە خواست لەسەر ئەو جۆرە بەنزینە نەماوە ئەوەش بەهۆى خراپى کوالێتى بەنزینەکەوە.
ئ.م
