وەزارەتى دارایی هەرێم بڵاویکردەوە، ئەمڕۆ مووچه‌ی مانگی ١١ ى وەزارەتى ناوخۆ و بەڕێوەبەرایەتى ڕەگەزنامە دابه‌ش دەکرێت.
وەزارەتى دارایی و ئابووریى حکومەتى هەرێمی کوردستان لە ڕاگەیەندراوێکدا بڵاویکردەوە، ئەمڕۆ مووچه‌ی مانگی ١١ ى وەزارەتى ناوخۆ و بەڕێوەبەرایەتى ڕەگەزنامە دابەش دەكرێت.
ڕۆژى ٢٥ ى ئەم مانگە وەزارەتى دارایی حکومەتى هەرێمى کوردستان خشتەى دابەشکردنى موچەى بڵاوکردەوە، بەڵام پڕۆسەى دابەشکردنەکە زۆر بەهێواشى بەڕێوە دەچێت و لەو بەروارەوە تەنها موچەى لیوا هاوبەشەکان، یەکەى حەفتا و هەشتاى سەر بە وەزارەتى پێشمەرگە و وەزارەتەکانى تەندروستى و دارایی دابەشکراوە.
جێگاى ئاماژەیە، مانگانە حکومەتى عێراق بڕى ٢٠٠ ملیار دینار بۆ مووچەى فەرمانبەرانى هەرێمى کوردستان دەنێرێت و بۆ ئەو مەبەستەش لە سێ مانگى ڕابردوودا ئەنجومەنى وەزیران بە فەرمیى سێ جار واژۆى لەسەر ناردنى ئەو بڕە پارە کردووە.
ئ.م
