دابەزینی بەهای دیناری عێراقی و دواكەوتنی مووچەی فەرمانبەران، دۆخی ژیانی هاوڵاتیانی لە شاری هەولێر سەختتر کردووە، هاوڵاتییەکیش دەڵێت کێشەیەکی دیکەی بازاڕ و گرانیی نەبوونی بەرهەمی ناوخۆییە.
لە بازاڕەكانی شاری هەولێر ڕێژەی ٢٠٪ نرخی هەر كاڵاو كەلوپەلێك گران بووە كە بە دۆلار كڕدرابێت، ئەمەش ڕاستەوخۆ كاریگەری كردووەتە سەر دۆخی ژیانی هاوڵاتیان، لە هەمان کاتدا نەبوونی مووچەش کاریگەرییەکی خراپی کردووەتە سەر هاوڵاتیان بەگشتی.
وێڕای ئەوەی هاوڵاتیان بارودۆخەکە بۆ دابەزینی نرخی دینار بەرامبەر دۆلار و نەبوونی مووچە دەگەڕێننەوە، باس لەوەش دەکەن، کە خراپی پەیوەندییەکان و ڕێکنەکەوتنی هەولێر و بەغداش هۆکارێکی دیکەی خراپی بازاڕ و دۆخی هاوڵاتیانە.
هاوڵاتییەکی دیکەی شارەکە وتی، هۆکارێکی دیکەی گرانیی نەبوونی بەرهەمیی ناوخۆییە، چونکە هەرچی لە هەرێمی کوردستاندا هەیە لە دەرەوە هاوردە دەکرێت.
س.ح
