پرۆژەی گواستنەوەی مووچەی فەرمانبەرانی هەرێم بە فەرمی ڕادەستی سەرۆکی لیژنەی دارایی پەرلەمانی عێراق کرا.
بۆ تەواوکردنی ڕێکارە یاساییەکانی پرۆژە یاسای گواستنەوەی مووچەی فەرمانبەرانی هەرێم بۆ بەغداد، ژمارەیەک پەرلەمانتاری کورد لەگەڵ سەرۆکی لیژنەی دارایی پەرلەمانی عێراق کۆبونەوە.
بە نوێنەرایەتی ئەو پەرلەمانتارە کوردانەی کە واژویان لەسەر پرۆژە یاسای گواستنەوەی مووچەی فەرمانبەرانی هەرێم کردبوو بۆ سەر بەغدا، بە فەرمی پرۆژەکە ڕادەستی سەرۆکی لیژنەی دارایی د. هەیسەم جبوری و ئەندامانی لیژنە کرا تا ڕێکارە یاساییەکانی تەواو بکرێت.
ڕۆژی ٢١ی ئەم مانگە، ژمارەیەک پەرلەمانتاری کورد لە بەغدا توانییان ١١٧ واژۆی پەرلەمانتارانی فراکسیۆنە جیاوازەکان کۆبکەنەوە بە مەبەستی بە یاساییکردنی پرۆژەی گواستنەوەی موچەی فەرمانبەرانی هەرێم ڕاستەوخۆ بۆ سەر بەغدا.
ڕۆژی ١٨ی نیسانی ئەمساڵ پرۆژەی (گواستنەوەی مووچەی فەرمانبەرانی هەرێمی كوردستان بۆ سەر حكومەتی عیراقی فیدراڵ) لەلایەن ئەو پەرلەمانتارانەوە ڕاگەیەنرا، تا ئێستاش توانراوە ١٥٧ هەزار و ٤٢٢ واژۆی فەرمانبەرانی هەرێم بۆ پاڵپشتی پرۆژەکە کۆبکرێتەوە.
ی. ک
