وەزارەتی دارایی و ئابووریی هەرێمی کوردستان خشتەی دابەشکردنی مووچەی مانگی نیسانی ٢٠٢٢ی بڵاوکردەوە، ئەوەش لەکاتێکدایە تائێستا بەشێکی مووچەی مانگی ئازار لە سلێمانی دابەشنەکراوە و دابەشکردنی مووچەی مانگی نیسانیش دەگاتە مانگی حوزەیران.
کەمێک پێش ئێستا وەزارەتی دارایی و ئابووریی حکومەتی هەرێمی کوردستان خشتەی مووچەی مانگی نیسانی ٢٠٢٢ی بڵاوکردەوە و بڕیارە دابەشکردنی مووچە لە سبەینێ ٩ی ئایارەوە بە وەزارەتی تەندروستیی دەستپێبکات و لە ٣٠ی ئایار بە دابەشکردنی مووچەی خانەنشینیی پێشمەرگە کۆتایی دێت.
ڕاگەیاندنی خشەی مووچەی مانگی نیسان لەکاتێکدایە، کە تا ئێستا چوار وەزارەت و بەشێک لە خانەنشینانی سەربازیی و مەدەنیی لە سلێمانی مووچەی مانگی ئازاریان وەرنەگرتووە.
ب.ل
