ئەم هەفتەیە کوردانی سوید بۆ ئازادیی ئۆجالان ئێشک دەگرن

نۆبەتی ئازادیی کوردانی ئەوروپا بۆ ئازادیی ئۆجالان لەبەردەم کۆنسەی ئەروپا لە هەفتەی ٣٨٠ میندا بەردەوامە.


چالاکیی ئێشکگریی کوردانی ئەوروپا بۆ ئازادیی ئۆجالان لە شاری ستراسبۆرگی فەرەنسا لەبەردەم کۆنسەی ئەوروپا لە هەفتەی ٣٨٠ دا بەردەوامە، دیرڤان باکوور، حەمید نەرژی، دێرسن ئەرجان، خەلیل ئوزبەرک و چەکژین قامیشلۆ کە لە سویدەوە چوونەتە ستراسبۆرگ، بەشداریی چالاکیی ئەم هەفتەیە دەبن.

لە سەر ناوی گروپەکە چەکژین قامشلۆ ڕایگەیاند، چالاکیەکەیان ٨ ساڵە بەردەوامە و ئەوان دەست لە چالاکیەکانیان بۆ ئازادی عەبدوڵا ئۆجالان ڕێبەری گەلی کورد هەڵناگرن.

هەروەها ڕاشیگەیاند، بۆ ئەوەی گەلی کورد و گەلانی ڕۆژهەڵاتی ناوەڕاست لەناو ئاشتییدا بژین، ئۆجالان پرۆژەیەکی پێشکەشکردووە، بەڵام جیهان کۆمەڵکوژیی سەر کورد نابینێت، چەکژین قامشلۆ وتی:"پێویستە کۆنسەی ئەوروپا و سی پی تی لە بەرامبەر ئەشکەنجەی سەر ئۆجالان بێدەنگ نەبن".

چالاکوانان داوایان لە کوردان ئەوروپا کرد، تا ئۆجالان ئازاد نەبێت، دەست لە چالاکیەکان هەڵنەگرن.

لە چالاکیی نۆبەتی ئازادیی بۆ ئۆجالان دا تا ئێستا زیاتر لە ١٠٠ هەزار کەس بەشدارییان کردووە و لە ڕێگەی بڵاوکراوەکانیان، بە ملیۆنان کەس لەبارەی تێکۆشانی ئۆجالان و کەسایەتیەکەی ئاگادار کراونەتەوە.

ش.ف