بەریتانیا، پەرلەمانتاران و سه‌ندیكاوانان داوای لابردنی گۆشه‌گیری ده‌كه‌ن

سیاسەتمەداران و ئەندامانی سەندیکاکانی بەریتانیا، بەرامبەر بەردەوامیی گۆشەگیریی سەر ئۆجالان ناڕەزایه‌تیی خۆیان ده‌ربڕی رایانگەیان: كار ده‌كه‌ین بۆ ئه‌وه‌ی كێشه‌ی كورد به‌شێوه‌یه‌كی سیاسی چاره‌سه‌ر بكرێت، پێویسته‌ ڕێبه‌رەکەیان ئازاد بکرێت.


چالاکی و کاردانەوەکان دژی گۆشەگیریی سەر عەبدوڵا ئۆجالان ڕێبەری پەکەکە، لە ناوخۆ و دەرەوەدا بەردەوامە، لەوچوارچێوەیەدا په‌رله‌مانتاران لۆید رووسەل مۆیل، کاتە ئۆسامۆر، بامبۆس كارالامبۆس، دێلیس جوول و سەندیکاوانان کریستینا بلۆوەر، سیمۆن دوبینس و تۆنی بورکە لە بەریتانیا، ڕایانگەیاند، گۆشەگیری قبووڵ ناکرێت.

بامبۆس كارالامبۆس په‌رله‌مانتاری پارتیی كرێكاران وتی: فشاری زۆر تووند لەسەر گه‌لی کورد هەیە، بۆ سەرنجڕاكێشانه‌ سەر گۆشەگیریی سەر عه‌بدوڵا ئۆجالان، لەیلا گوڤەن دەستی بە چالاکیی مانگرتن لە خواردن کردووه‌، ئه‌ركی ئێمە وەک په‌رلەمانتاران ئەوەیە کە لە دژی ئەو زوڵمانە بووه‌ستینەوه‌، كه‌ لەسەر مافه‌كانی مرۆڤ هه‌ن و دەبێ ئێمە کۆمەڵگا‌ی نێونه‌ته‌وه‌یی بخەینە جموجۆڵ.

کاتە ئۆسامۆر په‌رلەمانتاری ئەدمۆنتۆن وتی: لە هه‌ر شوێنێك بێت، دەبێ ڕێز له‌ مافی مرۆڤ بگیرێت، دەبێت به‌باشی لە گۆشەگیری تێبگەین، چالاکیی مانگرتن لە خواردن لە بواری گیانیدا چالاکییەکیی زۆر گەورەیە، من ڕێزێكی گه‌وره‌ له‌و چالاکییه‌ ده‌گرم.

لۆید رووسەل مۆیل په‌رلەمانتاری پارتیی كرێكاران له‌ بریگتۆن گوتی: بۆ سەرنج خستنە سەر گۆشه‌گیریی سه‌ر عەبدوڵا ئۆجالان  هەزاران کەس لە چالاکییی مانگرتن لە خواردندان، گۆشەگیری كارێكه‌ لە دەرەوەی مرۆڤایەتی، لە تورکیا زوڵمی زۆر به‌رانبه‌ر بە مافی مرۆڤ هەیە، دەبێت ئێمە ئەو فشارانەی دەوڵەتی تورک بوه‌ستێنین.

دێلیس جوول په‌رلەمانتاری پارتیی پلاید كیومروو له‌ په‌رله‌مانی هه‌رێمی وێڵز یەکەمین په‌رله‌مانتاره‌ کە بەرخۆدانی گه‌لی کورد دەناسێت و لە به‌رانبه‌ر ئەو نادادپه‌روه‌رییه‌ دەنگی بەرز ده‌كاته‌وه‌، ناوبراو وتی: ئیمام شیش پێنج مانگە لە چالاکیی مانگرتن لە خواردندایه،. دەبێ لە هۆکارەکانی بەرخۆدانی ئەو تێبگەین.

کریستینا بلۆوەر هاوسەرۆکی كه‌مپینی ئازادی بۆ ئۆجالان، وتی: ئازادیی ئۆجالان و گەلی کورد گرێدراوی یەکن، بۆ بونیادنانی سیسته‌می كۆنفیدڕاڵیی دیموكراتی کە ئۆجالان خستوویه‌تییه‌ڕوو، دەبێ ئێمە زیاتر هەوڵ بدەین

تۆنی بوركه‌ جێگری سه‌رۆكی  گشتیی سەندیکای «UTU» وتی: گۆشەگیریی سەر ئۆجالان له‌ ڕۆژەڤی ئێمەدایه‌، دەبێ كۆتایی به‌و بارودۆخه‌ بهێنرێت، ئەرکی ئێمە ئەوەیە کە به‌ هەموو کەسی ڕابگەیه‌نین کە گۆشەگیری هەیە، بەهۆی بارزگانیی ئەورووپا لە گەڵ تورکیا، ئەورووپا بێدەنگە، ئەرکی ئێمە ئەوەیە کە ئەو بابەتە هەموو کات بکەینە ڕۆژەڤ

ستیڤن سمالی ئەندامی دەستەی به‌ڕێوه‌به‌رایه‌تیی ناوه‌ندیی سەندیکای ئوونیسۆن وتی: من لە كه‌مپینی ئازادی بۆ ئۆجالان کار دەکەم، زۆر سەندیکا لەو بوارەدا پشتیوانی له‌ ئێمە دەکەن، داواکاریی سەرەکی ئێمە ئەوه‌یە گۆشەگیری لەسەر ئۆجالان هه‌ڵگیرێت.

مات نه‌یزن بەڕێوه‌بەری كه‌مپینی ئازادی بۆ ئۆجالان گوتی: کۆنگرەی سەندیکاكان کە نوێنه‌رایه‌تی شەش ملیۆن کرێكار و سەندیکاوان دەکات، لە کۆنفرانسی ساڵانی خۆیاندا پێشیازنامەی كه‌مپینی ئازادی بۆ ئۆجالانی قبووڵ کرد، تێکۆشانی گەلی کورد تێکۆشانی ئێمەشە، کاتی شکاندنی گۆشەگیرییە.

 

سەرچاوە: فوراتنیوز

س.ح