لە بەلجیکا گروپێکی چالاکوان جلوبەرگ و ماسکی دژە گازی کیمیاییان بەست، تاوەکو سەرنجى دانیشتوانى ئەو وڵاتە ڕاکێشن بۆسەر هێرشەکانى دەوڵەتى داگیرکەرى تورک بۆسەر ناوچەکانى کوردستان، کە چەکى قەدەغەکراوى کیمایی تێدا بەکاردەهێنێت.
لە شارى بڕۆکسل-ى پایتەختى وڵاتى بەلجیکا، چەند چالاکوانێک پۆشاکى تایبەت بە خۆپارێزیى لە چەکى کیماییان پۆشیى و ماسکیان بەست و بە شەقامەکاندا هاتووچۆیان دەکرد، تاوەکو سەرنجى دانیشتوانى ئەو وڵاتە ڕاکێشن بۆ سەر هێرشەکانى دەوڵەتى داگیرکەرى تورک بۆسەر ناوچەکانى کوردستان، کە چەکى قەدەغەکراوى کیمایی تێدا بەکاردەهێندرێت.
ئەو چالاکوانانە، لەبارەى هێرشەکانى دەوڵەتى داگیرکەرى تورکەوە بۆسەر هەرێمى کوردستان، کە تێیدا چەکى قەدەغەکراوى کیمایی بەکاردەهێنێت سەدان ڕاگەیەندراویان بەسەر هاوڵاتیان و چالاکوانان و کەسایەتیەکانى شارى بڕۆکسل-دا دابەشکرد.
لە بەشێکى دیکەى چالاکیەکەدا چالاکوانان زانیارییان لەبارەى ڕووبەڕووبوونەوەکان لە کوردستان لە دژى دەوڵەتى داگیرکەرى تورک و هەوڵ و تێکۆشانی کورد بۆ بەدەستهێنانى ئازادیی بە هاوڵاتیان و ڕای گشتیی بەلجیکى دا.
دوێنێ ناوه‌ندی راگه‌یاندن و چاپه‌مه‌نی هێزەکانى پاراستنى گەل – هەپەگە، لە ڕاگەیەندراوێکدا ناسنامەى هەشت شەهیدى بڵاوکردەوە، کە مانگى نیسانى ئەمساڵ لە چیا ڕەشى ناوچەى زاپ لە ڕێگەى بەکارهێنانى چەکى کیمایی لە دژیان لەلایەن دەوڵەتى داگیرکەرى تورکەوە شەهیدکرابوون.
ئ.م
