توركە ڕەگەز پەرستەكان هێرش دەكەنە سەر گەشتیارانی باشوری كوردستان

كۆمەڵێك گەشتیاری باشوری كوردستان كە بۆ گەشتكردن چوونەتە توركیا لە شاری ترابزۆن ویستوویانە وێنەبگرن، یەكێك لە گەشتیارەكان ویستوویەتی بەئاڵای كوردستانەوە وێنەبگرێت، بەڵام لەلایەن توركە ڕەگەزپەرستەكانەوە هێرشی كراوە تەسەر.


بەگوێرەی هەواڵێكی ماڵپەڕی (Arti Gerçek) دیمەنێكی ڤیدیۆیی بڵاو كردووەتەوە لە شاری ترابزۆنی توركیا، توركە ڕەگەز پەرستەكان هێرشیان كردووەتە سەر یەكێك لەو گەشتیارانەی باشوری كوردستان لەكاتێكدا ویستوویەتی بە ئاڵای كوردستانەوە وێنە بگرێت.

لەكاتی سەردانی ئەو گەشتیارانەی باشوری كوردستان بۆ شاری ترابزۆن یەكێك لە گەشتیارەكان دەیەوێت بە ئاڵای كوردستانەوە وێنە بگرێت، لەو كاتەدا لەلایەن ژمارەیەكی زۆر لە توركە ڕەگەز پەرستەكانەوە هێرشی دەكرێتە سەر، لەگەڵ ئەوەی لەو ناوچەیەدا جەندرمە بوونیان هەبووە بەڵام وەك لەدیمەنەكاندا دەردەكەوێت ئەو گەشتیارە بۆ ماوەیەكی زۆر هێرشی دەكرێتە سەر و هاوار دەكات كەس ناچێت بە دەنگییەوە و دوای ماوەیەكی درەنگ جەندرمەكان دەچن بە دەنگییەوە.

ئەو كەسەشی دیمەنی هێرشكردنەكەی تۆمار كردووە سوكایەتی بەكورد دەكات و دەڵێت ئێوە كێن ئێوە بێ‌ مێژوون.

د.ح