جان بۆڵتن سەردانی تورکیا دەکات

بە مەبەستی تاووتوێکردنی کشانەوەی هێزەکانیان لە سوریا، جان بۆڵتن ڕاوێژکاری ئاسایشی نیشتمانی سه‌رۆکی ئه‌مه‌ریکا سەردانی هەریەکە لە تورکیا و ئیسرائیل دەکات و ڕایدەگەیەنێت، ئامانجمان سەرهەڵنەدانەوەی داعشە.


بەپێی هەواڵێکی دەنگی ئەمریکا، بڕیارە ئەمڕۆ ڕاوێژکاری ئاسایشی نیشتمانی سه‌رۆکی ئه‌مه‌ریکا سەردانی تورکیا دەکات و پاشان سەردانی ئیسرائیل.

هەروەها ژەنڕال جۆزڤ دانفۆڕد، سه‌رۆکی ستونه‌کانی هاوبه‌شی له‌شکری ئه‌مه‌ریکا  هاوڕێیەتی جان بۆڵتن بۆ تورکیا دەکات.

جان بۆڵتن، ڕاوێژکاری ئاسایشی نیشتمانی سه‌رۆکی ئه‌مه‌ریکا ڕایگەیاندووە:"بۆ گفتوگۆ سه‌باره‌ت به‌ شێوه‌ی چوونه‌ده‌ری هێزه‌کانی ئه‌مه‌ریکا له‌ سوریا و به‌ره‌نگاری به‌رامبه‌ر به‌ ڕه‌فتاری تێکده‌رانه‌ی ئێران له‌ ناوچه‌که‌، سه‌ردانی ئیسڕایل و تورکیا ده‌کەین".

لە توێتیکیشدا بۆڵتن ٤ی ئەم مانگە ڕایگەیاندبوو، له‌ سه‌ردانه‌که‌دا سه‌باره‌ت به‌ پێشگرتن له‌ دووباره‌ سه‌رهه‌ڵدانه‌وه‌ی چەتەکانی داعش له‌ ناوچه‌که‌دا گفتوگۆ ده‌کات.

س.ح