دادگای مێردین یەکێک لە تۆمەتبارەکانى کۆمەڵکوژییەکەى مێردین کە پێنج هاوڵاتى دهۆک لە هێرشێکدا کوژران ئازاد کردو چوار تۆمەتبارەکەی دیکەشی ڕەوانەى نەخۆشخانە کرد بۆ وەرگرتنى پشکنینی چەکەکان.
ئێوارەى ئەمڕۆ دوو شەممە لەو پێنج تۆمەتبارەى مابوونەوە لەسەر دۆسییەى کوشتنى پێنج هاوڵاتییەکەى دهۆکی باشوری کوردستان یەکێک لەوتۆمەتبارانە ئازاد کرا.
هاوکات بەبڕیاری دادوەر چوار تۆمەتبارەکە ڕەوانەى نەخۆشخانە کران بۆ ئەوەى پشکینینى چەک و پەنجەمۆرەکانیان بکرێت ئەوەش لەچوارچێوەى لێکۆڵینەوەکان.
هەروەها دادگا بریاریدا کە ئەو چوار تۆمەتبارە وەک تۆمەتباری سەرەکى بیانهێڵێتەوەو لێکۆڵینەوەیان لەگەڵ بکرێت، بەڵام تائێستا بکەری سەرەکى کۆمەڵکوژییەکە یەکلایی نەکراوەتەوە.
رۆژی ١٩ی ئەم مانگە، خێزانێکی پێنج کەسی خەڵکی شاری دهۆک بوون لەسەر رێگای مێردین- نسێبین لە باکوری کوردستان لە هێرشێکدا کوژران.
