دوسێلدۆرف، دژی گۆشەگیریی سەر ئۆجالان ڕێپێوان ئەنجامدرا

نزیکەی دوو هەزار هاوڵاتی کورد و دۆستانی کورد لە دوسێلدۆرف لە ئەڵمانیا دژی گۆشەگیریی سەر ئۆجالان ڕێپێوانیان ئەنجامدا.


 

ئەمڕۆ لە شاری دوسێلدۆرف لە ئەڵمانیا نزیکەی دوو هەزار کەس ڕێپێوانێکی فراوانیان ئەنجامدا، ئەوەش بۆ وەستانەوە دژی گۆشەگیریی سەر ئۆجالان و پشتیوانیکردنی مانگرتنی لەیلا گوڤەن.

هاوڵاتیان وێنەکانی لەیلا گوڤەن و ئۆجالانیان بەرزکردبوەوە و داوایان کرد، کە گۆشەگیریی سەر ئۆجالان کۆتایی بێت و داواکاریی مانگرتوان جێبەجێ بکرێت.

ماوەی ٥٩ ڕۆژە لەیلا گوڤەن هاوسەرۆکی کەجەدە و پەرلەمانتاری هەدەپە، مانی لە خواردن گرتووە دژی گۆشەگیریی سەر ئۆجالان، لەیلا ئێستا باری تەندروستی خراپ بووە و ژیانی لە مەترسیدایە.


ک.ک