دژی تاوانەکانی ئێران لە برۆکسل خۆپیشاندان کرا

دژی هێرشەکەی سەر کۆیە و لەسێدارەدانی سێ گەنجی کورد لەلایەن حکومەتی ئێرانەوە، لە شاری برۆکسل-ی وڵاتی بەلجیکا خۆپیشاندان ئەنجام درا.


لەدرێژەی ناڕەزایەتییەکان دژ بە هێرشی ٨/ئەیلول بۆسەر بارەگاکانی حزبی دیموکراتی کوردستان حزبی دیموکراتی کوردستان-ئێران و هاوکات لەسێدارەدانی سێ گیراوی سیاسیی کورد لەلایەن حکومەتی ئێرانەوە، ئەمڕۆ لە شری برۆکسل-ی پایتەختی بەلجیکا-ش ناڕەزایی نیشاندرا.

لە چالاکییەکەدا جگە لە کورد، چەند چالاکیکی ئێرانییش بەشدارییان کرد و ئەو تاوانانەی حکومەتی ئێران-یان شەرمەزار کرد.

کوردستانیان و دۆستانیان، پارت و لایەنەکانی وەک پارتیی ژیانی ئازادی كوردستان-پژاک، حزبی دیموکراتی کوردستانی ئێران-حدكا و ژنانی ٨ی مایسی ئێران، لە وتە و درووشمەکانیاندا جەختیان لە یەکڕیزیی و یەک دەنگی کوردانی ڕۆژهەڵاتی كوردستان و گەلانی ئێران کرده‌وە له‌ به‌رانبه‌ر زوڵم و سته‌می حکومەتی ئێران.

ئاماده‌بوان درووشمەکانی "شەهید نامررێت، گەلی کورد یەکە"یان وته‌وه‌ و سروودی ئەی شەهیدانیان چڕی.

چالاکییەکە لە دوای دوو کاتژمێر کۆتایی هات.

 

 

ش.ف