زەریف: جەنگی ئابوری ترامپ هاوڵاتیانی کردووەتە ئامانج

محه‌ممه‌د جه‌واد زه‌ریف وه‌زیری ده‌ره‌وه‌ی ئێران له‌ په‌یامێکدا ڕایگه‌یاندووە، "تیرۆرزمی ئابوری ئه‌مریکا خه‌ڵکی بێ تاوانی ئێرانی کردووه‌ته‌ ئامانج"


وەک کاردانەوەیەک بەرامبەر وتەکانی مایک پۆمپیۆ، وەزیری دەرەوەی ئەمریکا، کە ڕایگەیاندبوو، گەمارۆیان لەسەر ئێران بەردەوامیی دەبێت و ئامادەشن بۆگفتوگۆی بێ مەرج، دوێنێ محه‌ممه‌د جه‌واد زه‌ریف تویتەرەوە پەیامێکی بڵاوکردەوە.

لە پەیامەکەدا ڤیدیۆیه‌ک هەیە، کە‌ منداڵێک که‌ پێویستی به‌ قاچی دەسستکرد هه‌یه‌ و بنه‌ماڵه‌که‌ی توانای دابینکردنیان نییه‌، لەسەر ڤیدیۆکە زەریف نووسیویەتی "ئه‌مه‌ شه‌ڕی ئابوری دوناڵد تر‌امپه"، کە هاوڵاتیانی ئێرانی کردووەتە ئامانج.

‌وەک وەڵامێکیش بۆ پۆمپیۆ، وەزیری دەرەوەی ئێران ڕایگەیاندووە: شه‌ڕ و دانوستان، به‌ مه‌رج یان بێ مه‌رج، ناتوانن پێکه‌وه‌بن".

س.ح