لە چەندین وڵاتی ئەوروپا ٤٥ەمین ساڵیادی دامەزراندنی پارتى کرێکارانى کوردستان- پەکەکە بە سازکردنی ئاهەنگ و چالاکى جیاواز پیرۆز کرا.
بە بۆنەی ٢٧ی تشرینی دووەمەوە لە چەندین وڵاتى ئەوروپا، لەوانەش فەرەنسا، ئەڵمانیا، سوید، بەریتانیا، بەلجیکا، قوبرس، هوڵندا و یۆنان مەراسیمی پیرۆزکردنی ٤٥ەمین ساڵیادی دامەزراندنی پارتى کرێکارانى کوردستان- پەکەکە بەڕێوەچوون.
ئەو وڵاتانەى ئەوروپا، کە تێیاندا ساڵیادى دامەزراندنى پارتى کرێکاران- پەکەکەى تێیدا پیرۆز کرا بەمجۆرەن:-
لەندەن
٤٥ەمین ساڵیادی دامەزراندنی پەکەکە بە پێشەنگایەتی گەنجانی شۆڕشگێڕی بەریتانیا و ئەنجومەنی گەلی کورد و بە بەشداربوونى سەدان کەس لە بینای کەی سی سی لەندەن پیرۆز کرا.
دانهاگ
لە ئاهەنگی پیرۆزبایی، کە لە دانهاگی هۆڵندا بەڕێوەچوو زوبەیر ئایدار، ئەندامی دەستەی بەڕێوەبەری کەجەکە بەشداری کرد و لە وتەیەکدا رایگەیاند، پەکەکە زیاتر لە هەموو کات بەهێزترە وتى، ماوەی هەشت مانگە لە هەرێمەکانی پاراستنی مەدیا بەخۆردان بەڕێوەدەچێت و دەبێت ئێمە دەنگی خۆمان هەڵبرین و بەرپەرچی هێرشە کیمیاییەکانی دەوڵەتی تورک بۆسەر گەریلا بدەینەوە.
زوبەیر ئایدار، باسیلەوەشکرد، رێبەری گەلی کورد، عەبدوڵا ئۆجالان ٢٤ ساڵە لە ناو گۆشەگیرییەکی قورسدایە و هیچ هەواڵێکی نازانرێت و وتیشى، رژێمی فاشیستی ئاکەپە- مەهەپە گەیشتووەتە کۆتایی و هەرگیزیش هیچ هێزێک ناتوانێت ئەو دەستکەوتانەى، کە بە قوربانیدانی گەورە بەدەستهێنراون لەناو ببات.
ئەسینا
لە کەمپی لاڤریۆی یونان بە بەشداری سەدان کەس ٤٥ەمین ساڵیادی دامەزراندنی پەکەکە پیرۆزکرا و چالاکیەکە بە پێشەنگایەتی ناوەندی کلتوری کوردی دیموکراتیکی ئەسینا، تەجەشە و تەژەکە-ئە رێکخرابوو و هۆڵى ئاهەنگەکە بە ئاڵاکانی پەکەکە، کەجەکە، یەژەکە-ئە، یەپەگە و یەپەژەوە رازابووەوە.
هامبۆرگ
لەشاری هامبورگ و کیل لە ئەڵمانیا بە بەشداری زیاتر لە هەزار کەس ئاهەنگی پیرۆزبایی ساڵیادی دامەزراندنی پەکەکە پەڕێوەچوو.
ئینترناسیۆناڵیستەکان لەسەر بانگەوازی کۆمیتەی رۆژئاوا کۆبوونەوە و بە رێپێوانێک بەرەو گەڕەکی لۆمباگویگ لەبەرلینى پایتەحتى ئەڵمانیا، کە باڵیۆزخانەکانی دەوڵەتى تورک و رژێمى ئێران و عێراقی تێدایە بەڕێکەوتن و لە رێپێوانەکەدا دامەزراندنی پەکەکەیان پیرۆز کرد.
ستۆکهۆڵم
لە ستۆکهۆڵم و شارەکانی گۆتێبۆرگ و بۆرلانگی سوید مەراسیمی پیرۆزبایی ٤٥ەمین ساڵیادی پەکەکە بەڕێوەچوون.
لوڤێن
لەشاری لوڤێنی بەلجیکا ئاهەنگی پیرۆزبایی ٤٥ەمین ساڵیادی دامەزراندنی پەکەکە بەڕێوەچوو، کە تیادا سەدان کەس بەشداربوون و لە وتەیەکدا رەمزی کارتاڵ هاوسەرۆکی کۆنگرەی گەل باسی لە بەشداری گەل لە تێکۆشاندا کرد.
کریل
لەشاری کریلی فەرەنساش هاوشێوەی شارەکانی وەک ستراسبۆرگ، تولوز، ئاڤیگنۆن و مۆنتپلیەر مەراسیمی پیرۆبایی بەڕێوەچوون.
لیماسۆل
لەشاری لیماسۆلی قوبرس بە پێشەنگایەتی ئەنجومەنی گەل و گەنجان و چالاکوانانی ژن مەراسیمی ساڵیادى دامەزراندنى پەکەکە پیرۆزبایی سازکرا.
تۆرین
لە شاری تۆرینی ئیتاڵیاش بە بەشداری گەلی کورد و دۆستانی مەراسیمی ٤٥ەمین ساڵیادی دامەزراندنی پەکەکە بە جۆش و خرۆشێکی گەورەوە پیرۆز کرا.
ئ.م
