فەرەنسا و بەریتانیا داوای دانیشتنی بەپەلەی ئەنجوومەنی ئاسایش دەکەن

ئێوارەی ئەمڕۆ لەشکرکێشی دەوڵەتی تورک بۆسەر ڕۆژئاوا، باکورو ڕۆژهەڵاتی سوریا بەبۆردوومانی فڕۆکە جەنگییەکان دەستی پێکرد، لەمبارەیەوە زۆربەی وڵاتان ئەو هێرشەیان ئیدانە کرد و فەرەنسا و بەریتانیاش داوای دانیشتنی بەپەلەی ئەنجوومەنی ئاسایش دەکەن.


ئێوارەی ئەمڕۆ، فڕۆکە جەنگییەکانی دەوڵەتی تورک ناوچەکانی گرێسپی، سەرێکانی، دێرک، عەین عیساو قامیشلۆیان بۆردوومان کرد.

لەم چوارچێوەیەشدا، فەرەنسا بە توندی ئەو هێرشەی ئیدانە کرد و ڕایگەیاند، ئەو کەیسە بەهاوبەشی لەگەڵ بەریتانیا دەبەنە ئەنجوومەنی ئاسایش و داوای دانیشتنی بەپەلەی ئەنجوومەنەکە دەکەن.

یەکێتی ئەوروپاش داوای لە دەوڵەتی تورک کردووە ئەو هێرشە ڕابگرێت و ڕایشیگەیاند: ئەو هێرشە لەپێناو ناوچەی ئارام نییە.

ئەڵمانیاش بە توندی ئەو هێرشەی تورکیای بۆ سەر باکورو ڕۆژهەڵاتی سوریا ئیدانەکرد.

ڕوسیاش ئەو هێرشە بە پێشێلکردنی سەروەری خاکی سوریا لە قەڵەم دەدات.

ب.ش