قەندیل خۆی بۆ نەورۆزی سبەینێ ئامادە دەکات

دەستە دەستە خەڵک ڕوو لە قەندیل دەکەن و ئامادەکاریی مانەوە دەکەن بۆ بەشدارییکردن لە ئاهەنگی نەورۆزی قەندیل، ئامادەکارانی ئاهەنگەکەش گەیشتوونەتە کۆتایی ئامادەکارییەکانیان بۆ ئاهەنگەکە.


لە دوانیوەڕۆی ئەمڕۆوە، خەڵک لە شار و شارۆچکە جیاوازەکانی باشوری کوردستان و پارچەکانی دیکەی کوردستانەوە، دەستە دەستە ڕوو لە بناری قەندیل دەکەن بۆ بەشدارییکردن لە ئاهەنگی پیرۆزکردنی نەورۆز لە قەندیل، کە بڕیارە سبەینێ بەڕێوەبچێت.

کۆمیتەی ئامادەکاری مەراسیمەکەش بەردەوامن لە ئامادەکارییەکانیان بۆ ئاهەنگی سبەینێی پیرۆزکردنی نەورۆز لە قەندیل.

بڕیارە ئێوارەی ئەمڕۆش ئاگری نەورۆز بە بەشداریی هەزاران کەس لە بناری قەندیل بکرێتەوە.

 

ک.ک