له‌ ستۆکهۆڵم چالاکیی بۆ ئازادیی ئۆجالان دەستیپێکرد

له‌ شاری ستۆکهۆڵمی پایته‌ختی وڵاتی سوێد له‌پێناو ئازادیی ئۆجالان چالاکییه‌ک ده‌ستی پێکرد و بڕیاره‌ هه‌فته‌یه‌ک به‌رده‌وام بێت.


چالاکوانان ئەمڕۆ له‌ مه‌یدانی مینتۆریه‌ت له‌ شاری ستۆکهۆڵم چادریان هه‌ڵدا و پۆسته‌ریان هه‌ڵواسی، له‌ چالاکییه‌که‌دا بۆ سه‌رنج خستنه‌ سه‌ر گۆشه‌گیریی ئیمراڵی، قه‌فه‌سێکی ئاسنین له‌ به‌رده‌م چادره‌که‌ دانرا و داوای ئازادیی ئۆجالان کرا.

چالاکواان هێله‌گیان له‌به‌ر کرد که‌ وێنه‌کانی ئۆجالانیان له‌سه‌ر نه‌خشێنرابوو، هه‌روه‌ها بڵاوکراوه‌یان به‌سه‌ر ڕێبواراندا بڵاوکرده‌وه‌.

له‌ سه‌ره‌تای چالاکییه‌که‌دا ڕاگه‌یه‌نراوێک خوێنرایه‌وه‌ که‌ تیایدا هاتووه‌: «ئه‌ردۆغان هه‌موو شتێک ده‌کات بۆ ڕێگرتن له‌ چاره‌سه‌ریی، ئێمه‌ جاره‌سه‌رییه‌کی ئاشتییانه‌ و دیموکراتیکمان ده‌وێت له‌ کوردستان، عه‌بدوڵا ئۆجالان دڵنیاییه‌ بۆ پێشنیازی چاره‌سه‌ریی خۆسه‌ری دیموکراتی".

بڕیارە چالاکییه‌که‌ تا ١٢ی تشرینی دووه‌م به‌رده‌وام ‌بێت و ڕۆژانه‌ له‌ کاتژمێر ١٣-١٨ به‌ڕێوه‌ده‌چێت.

ک.ک