لە فرانکفۆرت شەوی پشتگیری لە ئازادى عەفرین بەڕێوە چوو

لە شاری فرانکفۆرتی ئەڵمانیا بە ئامانجی پشتیوانی لە هەڵمەتی ئازادکردنی عەفرین، مەراسیمێک بەناوی شەوی پشتگیری لە ئازادى عەفرین بەڕێوەچوو.


دوێنێ بە دەسپێشخەری ناوەندی کۆمەڵگەی دیموکرات، لە شاری فرانکفۆرتی ئەڵمانیان مەراسیمێک بە دروشمی ' شەوی پشتگیری لە ئازادی عەفرین ' ڕێکخرا، کە تێیدا بەسەدان کوردستانی لە شارەکانی فرانکفۆرت، ئۆفینباخ، هانانوو، ماینز، ڕوسەل سایم و وێسبانێ بەشداریان لەمەراسیمەکەدا کرد.

لەناو هۆڵى مەراسیمەکەدا وێنەی پێشەنگانی تەڤگەری ئازادی و ئاڵاکانی یەپەگە و یەپەژە  هەڵواسرابوو، هەروەها گروپی شانۆی منداڵانی هاناووێ، چەند بڕگەیەکی هونەرییان پێشکەش کرد.

لەمەراسیمەکەدا لەسەرناوی کەجەدەکە-ی ئەورووپا یەڵمازکوبانی قسەی کرد و وتى:" ئێمە بۆ پشتیوانی لە هەڵمەتی ئازادی عەفرین لەدەوری یەک کۆبوینەتەوە. ئەوانەی، کە لەدەسکەوتەکانی گەلی کورد تووڕە بوون، ئەمڕۆهێرش دەکەنە سەر ڕۆژئاوا، گۆشەگیری سەختیان خستووەتە سەر ڕێبەرەکەمان، بۆتێکشکاندنی ئەوگۆشەگیریە دەبێت هەرکەسێک بەشداری ئەم هەڵمەتە بێت کە تەڤگەری ئازادی کوردستان گرتوویەتە بەر."

لەمەراسیمەکەدا خەلیل خەمگین، هۆزان مزگین، گەرگین خەلکان، سەنا دەرسیم، هۆزان مەتین و گروپی موسیقای راپ چەند بڕگەیەکى هونەرییان پێشکەشکرد.

مەراسیمەکە بە دروشمی 'بژی سەرۆک ئاپۆ' کۆتایی پێهات.

د.ع