دووشەممە, 27 أبر 2020 – 11:43 ڕۆژنیوز – ناوەندی هەواڵەکان
ئەمڕۆ ژنەراڵ ئەحمەد مسماری وتەبێژی سوپای نیشتمانی لیبیا لە چاوپێکەوتنێکی لەگەڵ ڕۆژنامەی شەرقی ئەوسەت، ئاشکرایکرد کە دەوڵەتی داگیرکەری تورک جگە لە ناردنی چەتەکان، کەشتیی جەنگی و کەرەستەی جەنگییش ڕەوانەی تەرابلوس دەکات.
مسماری ڕایگەیاند: دەوڵەتی تورک دوو کەشتی، مووشەکی دژەفڕۆکە و سیستمی بەرگریی ئاسمانیی ناردووەتە کەناراوەکانی تەرابلوس و ئەگەری ئەوە هەیە کە فڕۆکە جەنگییەکانی تورک لەناو لیبیا و بەتایبەت بەشی ڕۆژهەڵات، سوپای نیشتمانی بکەنە ئامانج.
مسماری جەختی لەوە کردووەتەوە، کە چاودێریی جموجوڵەکانی سوپای تورک لە کەنارئاوەکانی تەرابلوس دەکەن و ڕایگەیاند: حکومەتی ویفاق و چەتەکانی هەلی ئاگربەستیان قۆستووەتەوە و گروپە چەتەکان دێننەناو لیبیا، تا ئێستا ١٧ هەزار چەتەی سورییان هێناوەتە لیبیا، کە هەزار و ٨٠٠ لەو چەتانە گەڕاونەتەوە بۆ سوریا و زیاتر لە هەزار چەتەشیان کوژراوە.
س.ح
