پنتاگۆن: پشتگیری ئۆپەراسیۆنی تورکیا ناکەین

وەزارەتی بەرگری ئەمریکا ڕایگەیاند کە ئەوان پشتگیری ئۆپەراسیۆنی تورکیا بۆهێرشکردنە سەر هەرێمەکانی باکورو ڕۆژهەڵاتی سوریا ناکەن.


جۆناسان هۆفمان وتەبێژی وەزارەتی بەرگری ئەمریکا ڕایگەیاند:" ئەگەر ئۆپەراسیۆن ئەنجام بدرێت، پنتاگۆن پشتگیری ئەو ئۆپەراسیۆنە ناکات، وە هێزە چەکدارەکانی ئەمریکا پاڵپشتی ئۆپەراسیۆنی لەو شێوەیە ناکات و بەشداری ناکات".

جۆناسان ڕاشیگەیاندووە:" ئەمریکا بە ڕوونی بە تورکیا ڕاگەیاندووە، پێکهێنانی ئاسایش لەو هەرێمانە بە هاوبەشییەو کردەی لەو شێوەیە مەترسی بۆ تورکیا دروست دەکات".

ئەمە لەکاتێکدایە، هاوکاتی هەڕەشەکانی دەوڵەتی تورک بۆ هێرشکردنە سەر ڕۆژئاوا، باکورو ڕۆژهەڵاتی سوریا، ئەمڕۆ بەرەبەیان هێزەکانی هاوپەیمانی نێودەوڵەتی لە خاڵە سنورییەکانی سەرێکانی و گرێسپی هاوسنوری تورکیا کشانەوە.

ب.ش