ئەمڕۆ جارێكی دیكە ئەنجومەنی نوێنەرانی لوبنان شكستی هێنا لە دیایكردنی كەسێك بۆ پۆستی سەرۆك كۆماری وڵاتەکەیان، ئەمەش بۆ جاری حەوتەمە پەرلەمانى لوبنان سەركەوتوو نابێت لە هەڵبژاردنی كاندیدێك بۆ سەرۆك كۆمار.
میدیاكانی لوبنان بڵاویانكردەوە، ئەمڕۆ ئەنجومەنی نوێنەران بە هیوای هەڵبژاردنی سەرۆكێكی نوێ بۆ ئەو وڵاتە، دانیشتنی حەوتەمی خۆی ئەنجامدا، كە سێ كەس خۆیان بۆ ئەو پۆستە كاندیدكردبوو.
ئاماژە بەوەشكراوە، لە كۆبونەوەی ئەنجومەنی نوێنەراندا ئەنجامی دەنگدانەكان بەم شێوەیە بوو، میشێل موئاواد ٤٢ دەنگی بەدەستهێناوە، ٥٠ وەرەقەش سپی بووە، هەروەها عیسام خەلیفە شەش دەنگی بەدەستهێناوە، نۆ وەرەقەش هەڵوەشێنراوەتەوە.
جێگای ئاماژەیە، میشێل عەون، سەرۆك كۆماری لوبنان وەك ناڕەزایی دەربڕین لەبەرامبەر رێكنەكەوتنی لایەنەكان بۆ هەڵبژاردنی سەرۆك كۆمارێكی نوێی بۆ وڵاتەكەیان، لە ڕۆژى ٣١ی تشرینی یەكەمی ئەمساڵدا دەستیلەكاركێشایەوە و كۆشكی سەرۆكایەتی بەجێهێشت.
هـ.ئ
