ڕۆژنامەی لیمۆندی فەرەنسی: ترامپ خیانەتی لە کورد کرد

ڕۆژنامەی لیمۆندی فەرەنسی ئاماژەی بەوەکردووە، هەوڵی ئەوە دەدرێت ترامپ ئەو خیانەتەی بەرامبەر بە کوردی کرد بە کوشتنی بەغدادی لەبیر ببرێتەوە، دەشڵیت: نە داگیرکەرییەکانی تورکیاو نە شەهیدبوونی هەڤرین و هاوخەباتەکانی لەبیرناکرێن.


ئالاین فراچۆن لە وتارێکیدا لە ڕۆژنامەی لیمۆندی فەرەنسی بڵاویکردووەتەوە" ترامپ  خیانەتی لە کورد کرد و ئەو بەبێ کورد ناتوانێت سەرکەوتنی بەسەرداعش پیرۆز بکات، سەرۆکی ئەمریکا دەیەوێت بە کوشتنی بەغدادی ئەوە لەبیر بەرێتەوە کە کوردی خستووەتە بەر پێی تورکیاو گروپە چەکدارەکانی".

نوسەر تیشک دەخاتە سەر ستراتیژی ترامپ و دەڵێت:" ترامپ سەرکەوتوو نەبووە لە سوریا، خیانەتی لە تاکە هاوپەیمانی کرد کە کورد بوو".

فراچۆن لە بابەتەکەیدا باس لە کوژرانی ئەبوبەکر بەغدادی سەرچەتەی داعش دەکات و دەڵێت:" دەبێت ئەوە بزانین ئەگەر کوردەکان نەبونایا شوێنی ئەبوبەکر بەغدادی ئاشکرا نەدەبوو، ترامپ بەهەڵە بیردەکاتەوە، کوشتنی خەلیفەی داعش هیچ شتێکمان بیرناباتەوە، نە کشانەوەی ئەمریکا، نە داگیرکەرییەکانی تورکیاو نە شەهیدبوونی هەڤرین خەلەف و هاوخەباتەکانی".

ب.ش