ئەمڕۆ ڕۆژی جیهانیی یادکردنەوەی قوربانیانی چەکی کیمیاییە، بەڵام کورد لە هەر چوار پارچەی کوردستان چەکی قەدەغەکراوی بەرامبەر بەکارهێندراوە و لە ئێستاشدا سەرەڕای تێپەڕبوونی دەیان ساڵ بەسەر قەدەغەکردنی چەکەکەدا، هێشتا کورد قوربانی چەکەکەیە.
چەکی کیمیایی یەکێکە لە مەترسیدارترین هەڕەشەکان لە جیهاندا، لەڕۆژی یادکردنەوەی قوربانییانی چەكی کیمیایی، یادی ئەو کەسانە دەکرێتەوە، کە بەهۆی چەکی کیمیاییەوە گیانیان لەدەستداوە و نوێکردنەوەی بەڵێن بۆ ڕووبەڕووبوونەوەی بەکارنەهێنانی ئەو چەکە لەلایەن وڵاتانەوە دووپاتدەکرێتەوە.
ئەم ڕۆژە هەلێکە بۆ دووبارە جەختکردنەوەی پابەندبوونی رێکخراوی قەدەغەکردنی چەکی کیمیایی “OPCW” بۆ لەناوبردنی هەڕەشەکانی ئەم چەکە.
له ١١-١١-٢٠٠٥ نه‌ته‌وه یه‌كگرتوه‌كان بڕیاریدا، کە ڕۆژی ٣٠ تشرینی دووه‌می ھه‌موو ساڵێك وه‌ك ڕۆژی جیھانی قوربانیانی چه‌كی كیمیایی دیاری بكات، بەڵام هێشتا ئەو چەکە لەلایەن دەوڵەتى داگیرکەرى تورک بەرامبەر گەریلا و هاوڵاتیانى مەدەنیى بەکاردەهێندرێت و لەوبارەوەشەوە وڵاتانى ئەوروپا و بەتایبەت کۆمەڵەى گشتىی نەتەوە یەکگرتووەکان سەرەڕاى خستەڕووى بەڵگە لەلایەن کەجەکەوە، هیچ هەڵوێستێکیان پیشان نەداوە.
ماوەی دوو ساڵە دەوڵەتی داگیرکەری تورک لە هێرشەکانیدا بۆسەر خاکی هەرێمی کوردستان و گەریلاکانی پەکەکە چەکی قەدەغەکراو و گازیی کیمیایی بەکاردەهێنێت، بەپێی دواین ئامارەکانی، کە هێزەکانی پاراستنی گەل (هەپەگە) بڵاوی کردوەتەوە، سوپای داگیرکەری تورک دوو هەزار و ٨۳۷ جار بە بۆمب و چەکی قەدەغەکراو و گازی کیمیایی، هێرشیان کردووەتە سەر مەیدانەکانی بەرخۆدان و ۱۷٤ گەریلا شەهید بوون.
ش.ئـ
