مەزڵوم عەبدی: دوای ئاگربەست ١١٠٠ کیلۆمەتر دووجا داگیرکراوە

فەرماندەی گشتی قەسەدە ڕایگەیاند، تورکیا و گروپە چەتە هاوپەیمانەکانی، پابەندنەبوونە بە ئاگربەستی نێوان تورکیا و ئەمریکا و بەردەوامن لە هێرشی داگیرکەری و ١١٠٠کم٢ یان داگیرکردووە.


مەزڵوم عەبدی فەرماندەی گشتی هێزەکانی سوریای دیموکراتیک-قەسەدە، لە هەژماری تایبەتی خۆی لەتۆڕی کۆمەڵایەتی تویتەر ڕایگەیاند:" تورکیاو وەکیلە جیهادیستیەکانی، هێرشەکانیان لە باکورو ڕۆژهەڵاتی سوریا بەردەوامە، لەهەر کاتژمێرێک شوێنێک داگیردەکەن، دوای پەیماننامەی ئاگربەستیان لەگەڵ ئەمریکا، ١٨٢ هەڤاڵمان و بە دەیان هاوڵاتی مەدەنی شەهیدبوونە، ٣٠هەزار سڤیل کۆچبەر بوون و ١١٠٠ کم٢ داگیرکراون".

عەبدی ئاماژەی بۆ ئەوەشکردووە، گروپە چەتەکانی سەر بە تورکیا داگیرکارییەکانیان لە باکورو ڕۆژهەڵاتی سوریا فراوانتر کردووە و بوونەتە هۆکاری شەهیدبوونی شەڕڤان و بە دەیان هاوڵاتی مەدەنی، هەروەها کۆچبەرکردنی بە دەهەزاران کەس لە جێگای خۆیان.

ب.ش