بۆری نەوتی كەركوك-جەیهان لە موسڵ تەقێنرایەوە

بەهۆی بۆمبێكی چێنراوەوە بۆری نەوتی كەركوك-جەیهان لە سنوری موسڵ تەقێنرایەوە و بەو هۆیەوە هەناردەی نەوتی كەركوك ڕاگیرا.


ئێوارەی ئەمڕۆ لە سنوری پارێزگای موسڵ، بۆمبێكی چێنراو بە بۆری هەناردەی نەوتی كەركوك-جەیهان تەقینرایەوە و بەپێی زانیارییەكان چەتەكانی داعش هەستاون بە دانانی ئەو بۆمبە.

سەرچاوەیەكی تایبەت لە كۆمپانیای نەوتی باكور لە كەركوك بە ڕۆژنیوزی ڕاگەیاند:"ئێوارەی ئەمڕۆ لە بەشی باشوری شاری موسڵ بۆری نەوتی كەركوك-جەیهان تەقێنرایەوە و ئاگر لە بۆریەكان بەربووە، بەو هۆیەوە هەناردەی نەوتی كەركوك بۆ بەندەری جەیهان ڕاگیراوە".

ئەو سەرچاوەیە وتیشی: بە پێی زانیارییەكان بۆمبەكە لە لایەن چەتەكانی داعشەوە دانراوە، لە ئێستاشدا تیمەكانی بەرگری شارستانی موسڵ سەرقاڵی كوژاندنەوەی ئاگرەكەن، تاكاتی چاككردنەوەی بۆریەكە هەناردەی نەوت لە كەركوك بۆ بەندەری جەیهان ڕادەگیرێت.

د.ح