داواكاریی خانه‌واده‌ی زیندانییانی ئیمڕاڵی بۆ سەردان کردن ڕه‌تكرایه‌وه‌

خانه‌واده‌ی ئۆجالان و سێ زیندانیی دیكه‌ی زیندانی ئیمڕاڵی داواكارییه‌كی دیكه‌یان پێشكه‌ش كرد به‌مه‌به‌ستی سه‌ردانی ئیمڕاڵی، به‌ڵام ڕه‌تكرایه‌وه‌.


دوێنێ محه‌مه‌د و فاتمه‌ ئۆجالان-ی برا و خوشكی عه‌بدوڵا ئۆجالان، له‌ ڕێی پارێزه‌ری ئۆجالان مه‌زڵوم دینچ دوێنێ داواكارییه‌كی دیكه‌یان پێشكه‌شی سه‌رۆكایه‌تیی داواكاریی گشتیی شاری بورسا كرد به‌مه‌به‌ستی چاوپێكه‌وتن له‌گه‌ڵ عه‌بدوڵا ئۆجالان، به‌ڵام داواكارییه‌كه‌یان ڕه‌تكرایه‌وه‌.

هاوكات خانه‌واده‌ی زیندانییانی دیكه‌ی زیندانی ئیمڕاڵی، پۆڵات یڵدرم برای هامیلی یڵدرم، عه‌لی كۆنار برای عومه‌ر خه‌یری كۆنار و سه‌بیحه‌ ئاسلان خوشكی ڤه‌یسه‌ل ئاكتاش له‌ ڕێی پارێزه‌رانه‌وه‌ هه‌مان داواكارییان پێشكه‌ش كرد، به‌ڵام داواكاریی ئه‌وانیش ڕه‌تكرایه‌وه‌.