داواکاریی خانەوادەکان بۆ سەردانی ئیمرالی ڕەتکرایەوە

داواکاریی گشتی بورسا، سەردانی خانەوادەی عەبدولا ئوجالان، ڕێبەری پەکەکە و خانەوادەی گیراوانی دیکەی سیاسی بۆ جارێکی دیکە ڕەتکردەوە. 


داواکاریی گشتی شاری بورسا، داواکەی محمد ئوجالان برای عەبدولا ئوجالان، ڕێبەری پەکەکە و پارێزەرەکەی مەزلوم دینچ-ی ڕەتکردەوە، کە داوای سەردانی ئیمرالیان کردبوو.

 هاوکات داواکاریی خانەوادەکانی هەر یەک لە گیراوانی سیاسی عومەر هایری کۆنار، هاملیلی یڵدرم و ڤەیسی ئاکتاش کە لەگەڵ ئوجالان لە گرتووخانەی ئیمرالیدان، ڕەتکردەوە.

دوایین جار خانەوادەکان لە ١٢-٨-٢٠١٩ توانیبوویان لەگەڵ ئوجالان و گیراوانی دیکەی سیاسی چاوپێکەوتن ئەنجام بدەن و لەو بەروارەوە تا ئیستا هەموو داواکارییەکان بۆ سەردانکردنی ئیمرالی ڕەتکراونەتەوە.

د.ع