شەوی ڕابردوو لە سنوریی شاری بەغدا زنیجیرەیەک تەقینەوە ڕوویدا.

لە ناوچەی سەبع ئەبکار لە باکوری بەغدا بۆمبێک لەناو پاس-ێکدا تەقییەوە و بووەهۆی برینداربوونی پێنج کەس.

هەروەها لە مەیدانی مالک ئەشتەر لە دەروازەی جیکوک لە باکوری بەغدا بۆمبێک تەقییەوە و لە ئەنجامدا کەسێک کوژرا و یەکێکی دیکەش برینداربوون.

لە ناوچەی ئەبودشێر-یش لە باشوری بەغدا، بۆمبێک تەقییەوە و لە ئەنجامدا دوو کەس کوژران و دووانی دیکەش برینداربوون.

هەر لەچوارچێوەی ئەو زنجیرە تەقینەوەیەدا لە شارۆچکەی شەعلە-ی سەر بە غداش بۆمبێک لەناو ئۆتۆمبێلێکی جۆری کیا-دا تەقییەوە و دوو کەس برینداربوون.

پێنجەم تەقینەوەش لە شارۆچکەی ئەبوغرێب ڕوویدا و بووەهۆی کوژرانی سەربازێک و برینداربوونی دوانی دیکە.

ش.ف