سزاکه‌ی ده‌میرتاش و ئۆنده‌ر په‌سه‌ند کرا

سه‌ره‌ڕای بڕیاره‌که‌ی دادگا‌ی مافی مرۆڤی ئه‌وروپا ده‌رباره‌ی ده‌میرتاش، ئه‌مڕۆ دادوه‌ریی ده‌وڵه‌تی تورک به‌ په‌له‌ سزاکه‌ی سه‌ر سه‌ڵاحه‌دین ده‌میرتاش و سری سووره‌یا ئۆنده‌ری په‌سه‌ند کرد.


پێشتر ٢٦هه‌مین دادگای سزا قورسه‌کانی ئیسته‌نبووڵ به‌ تۆمه‌تی «پڕوپاگه‌نده‌ کردن بۆ ڕێکخراوی چه‌کداریی تێرۆرریستی» سزای ٤ ساڵ و ٨ مانگ زیندانی کردنی بۆ سه‌ڵاحه‌دین ده‌میرتاش هاوسه‌رۆکی پێشووی پارتیی دیموکراتیی گه‌لان (هه‌ده‌په‌) و سزای ٣ ساڵ و ٦ مانگ زیندانی کردنی بۆ په‌رله‌مانتاری پێشووی هه‌ده‌په‌ سری سووره‌یا ئۆنده‌ر بڕیبوویه‌وه‌، دوای ئەوە ده‌میرتاش و ئۆنده‌ر تانه‌یان له‌ بڕیاری سزادانه‌که‌ دابوو.

ئه‌مڕۆ به‌ڕێوه‌به‌رایه‌تیی دووه‌مین سزای دادگای دادی ئیسته‌نبووڵ سزاکه‌ی سه‌ر ده‌میرتاش و ئۆنده‌ری په‌سه‌ند کرد، په‌سه‌ندکردنی ئەو سزایه‌، له‌ کاتێکدایه‌ که‌ دادگه‌ی مافی مرۆڤی ئه‌ورووپا بڕیاری ئازادکردنی بۆ ده‌میرتاش ده‌رکردووه‌.

 

ک.ک