شۆڕشگێڕه‌كان بەچەکەوە له ئەسته‌نبوڵ ڕێپێوانیان ئه‌نجامدا

شۆڕشگێڕه‌كان له‌شاری ئەسته‌نبوڵی توركیا ڕێپێوانێکیان بە چەکەوە ئەنجامداو ڕایانگەیاند، کە خۆیان بۆ ڕاپەڕین ئامادەدەکەن.


ئەندامانی پارتیی كۆمینارانی شۆڕشگێڕ (DKP)، هێزه‌ یه‌كگرتووه‌كانی ئازادیی (BOG) و یه‌كێتیی ژنانی كۆمینار (KKB)، هێزه‌كانی ئازادیی ژن (KOG) له‌ شاری ئەسته‌نبوڵ به‌ ماسكی زه‌رد و مۆر ڕێپێوانێكی چه‌كدارییان ئه‌نجامدا.

میلیشیاكان قسه‌یان بۆ خه‌ڵكی ده‌وروبه‌ریان كردووە و به‌ پۆسته‌ر و درووشم باسی ئوولاش بایراكتار ئۆغلوو و به‌رخۆدانی گه‌زی-یان كردووە.

ئاماده‌كاریی بۆ ڕاپه‌ڕین

میلیشیاكان باسی خۆئاماده‌كردنیان كردووە بۆ ڕاپه‌ڕین و وتوویانە: له‌ شه‌شه‌مین ساڵیادی به‌رخۆدانی گه‌زی حوزه‌یراندا، سڵاو ئاراسته‌ی ئوولاش بایراكتار ئۆغلووی فه‌رمانده‌ی به‌رخۆدانی گه‌وره‌ی گه‌زی و هه‌موو شه‌هیدان ده‌كه‌ین، به‌رخۆدانه‌كه‌مان كه‌ له‌ گه‌زی به‌رز بوویه‌وه‌، له‌ كۆڵانه‌كانی كۆبانێ به‌ یه‌كگرتنی گه‌ل بوو به‌ ترسی چه‌ته‌كان له‌ ڕه‌قا، هاریكاریی به‌رخۆدانی زیندانه‌كان ئه‌مڕۆ سه‌رله‌نوێ له‌ كۆڵانه‌كانی ئەسته‌نبوڵ وه‌ك ئوولاش بایراكتار ئۆغلوو ده‌سووڕێته‌وه‌، ژنه‌كۆمیناره‌كان له‌سه‌ر ڕێبازی ئیدیل، ئاسیه‌ و ئه‌یله‌مه‌كان چه‌كیان له‌ ده‌ستدایه‌ و به‌ كۆڵانه‌كانی ئەسته‌نبوڵدا ده‌سووڕێنه‌وه‌ و خۆیان بۆ ڕاپه‌ڕینی نوێ ئاماده‌ ده‌كه‌ن، ڕیزه‌كانی ژنان پته‌و ده‌كه‌ن، ئێمه‌ دوێنێ چه‌ته‌كانی داعشمان له‌ناوبرد، ئه‌مڕۆش له‌ كۆڵانه‌كانی ئەسته‌نبوڵ و ئه‌نادۆڵ به‌ ده‌ستی ئاكه‌په‌ زیندوو ده‌كرێنه‌وه‌ و كۆمه‌ڵگه‌ ده‌كه‌نه‌ داعش، ژنان شكستیان به‌ داعش هێنا، ئێمه‌ فاشیزمی ئاكه‌په‌ش له‌ناوده‌به‌ین، سه‌ركه‌وتن بۆ ئێمه‌ ده‌بێت.

د.ع