شەڕڤانان ٣٠٠ هاوڵاتی دیکەیان ڕزگار کرد

شەڕڤانانی هێزەکانی سوریای دیموکراتی-قەسەدە ٣٠٠ هاوڵاتی دیکەیان ڕزگار کرد، کە لە سنوری هەجین لە سنوری دێرەزۆر لە دەستی چەتەکانی داعش گیریان خواردبوو.


شەڕڤانانی هێزەکانی سوریای دیموکراتی-قەسەدە بەردەوامن لە ڕزگارکردنی هاوڵاتیانی مەدەنی لە دەستی چەتەکانی داعش لە سنوری دێرەزۆر، ئەمڕۆش دەیان هاوڵاتی دیکەیان ڕزگار کرد. 

لە هەنگاوی گەردەلولی جزیرەدا شەڕڤانان بەردەوامن لە تێکشکاندنی چەتەکانی داعش، بەو هۆیەشەوە لە میحوەری هەجین شەڕی سەخت بەڕێوەدەچێت.

لە کاتی شەڕەکاندا جگە لەوەی شەڕڤانان بەردەوام چاویشیان لەسەر ڕزگارکردنی هاوڵاتیانە، هاوڵاتیانیش خۆیان ڕوو لە دەڤەرە ئارامەکانی ژێر دەستی شەڕڤانان دەکەن.

ئەمڕۆش شەڕڤانان ٣٠٠ هاوڵاتی دیکەیان ڕزگار کرد و گواستیاننەوە بۆ شوێنە ئارامەکان.

 

ک.ک