قه‌سه‌ده‌ ده‌ستی به‌ هه‌ڵمه‌تی كۆتایی هێنان به‌ داعش كرد

قه‌سه‌ده‌ ڕایگه‌یاند، هه‌موو سیڤیله‌كانی گوندی باغۆز-ی سه‌ر به‌ ناوچه‌ی هه‌جین-یان ڕزگار كردووە و كاتژمێر ٦:٠٠ی ئێوارەی ئەمرۆ ده‌ستیان به‌ هه‌ڵمه‌تی كۆتایی هێنان به‌ چه‌ته‌كانی داعش كردووه‌.


شه‌ڕڤانانی هێزه‌كانی سوریای دیموكرات- قه‌سه‌ده‌، كاتژمێر ٦:٠٠ی ئێواره‌ی ئه‌مڕۆ ده‌ستیان به‌ هه‌ڵمه‌تی كۆتایی هێنان به چەیەکانی‌ داعش كرد له‌ گوندی باغۆزی ناوچه‌ی هه‌جین له‌ ده‌ڤه‌ری دێره‌زۆر، كه‌ دوایه‌مین شوێنه‌ كه‌ له‌ ده‌ستی چه‌ته‌كانی داعشدا مابێت.

شەڕڤانانی قه‌سه‌ده‌ ٩ی شوبات ده‌ستیان به‌ هه‌ڵمه‌تی ڕزگاركردنی خه‌ڵكی سیڤیلی ناوچه‌كه‌ كردبوو، له‌وكاته‌وه‌ تا ئێستا هه‌زاران سیڤیل ڕزگار كراون و ئه‌و چه‌تانه‌ی، كه‌ ویستیان خۆیان ڕاده‌ست بكه‌ن له‌ ناوچه‌كه هێندرانە دەرەوە.

عه‌دنان عه‌فرین، ده‌رباره‌ی ئه‌م هه‌ڵمه‌ته‌ تازه‌یه‌ فه‌رمانده‌ی قه‌سه‌ده‌، ڕایگەیاند: له‌ گوندی باغۆز ئه‌و چه‌تانه‌ی داعش كه‌ له‌گه‌ڵ خێزانه‌كانیان ویستیان خۆیان ڕاده‌ست بكه‌ن، له‌ ناوچه‌كه‌ هێندرانە دەرەوە، هه‌روه‌ها هه‌زاران سیڤیل ڕزگار كراون، ئەمڕۆش هیچ هاوڵاتییەکی مەدەنی له‌ گونده‌كه‌ نه‌ماوه، شه‌ڕڤانان‌ كاتژمێر ٦:٠٠ی ئێوارە ده‌ستیان به‌ هه‌ڵمه‌تی كۆتایی هێنان به‌ چه‌ته‌كانی داعش كرد.

د.ع