قەسەدە، لەماوەى ٢٤ کاتژمێردا ٢٣ چەتە کوژران

هێزەکانى سوریاى دیموکرات-قەسەدە، ڕایانگەیاند، کە لە چوارچێوەى هەڵمەتى گەردەلولى جزیرە-دا لەماوەى ٢٤ کاتژمێرى ڕابردوودا ٢٣ چەتەى داعش کورژراون.


ناوه‌ندی ڕاگه‌یاندنی هێزه‌كانی سووریای دیموكرات- قه‌سه‌ده، ئاماری شه‌ڕی ٢٤ كاتژمێری ڕابردووی دواهه‌مین قۆناغی هه‌ڵمه‌تی گه‌رده‌لوولی جزیرە-ی بڵاوكرده‌وه‌، كه‌ له‌ چوارچێوه‌ی شه‌ڕی نه‌هێشتنی تێرۆردا به‌ڕێوه‌ده‌چێت.

به‌ گوێره‌ی ڕاگه‌یه‌ندراوەی قه‌سه‌ده‌ شه‌ڕڤانان به‌رده‌وامن له‌ پێشڕه‌وی و له‌ ماوه‌ی ٢٤ كاتژمێری ڕابردوودا ٢٣ چه‌ته‌ی داعش له‌ سنووری دێره‌زۆر كوژراون.

لە ڕاگەیەندراوەکەى قەسەدە، ئاماژە بە بەرەى باخۆز-ى شەڕى دژى چەتەکانى داعش کراوە لە دێەرزۆر، و دەڵێت: لە‌ ئه‌نجامی شه‌ڕی نێوان شه‌ڕڤانانی ئێمه و‌ تێرۆریستانی داعشدا، شه‌ڕڤانان ٥٠٠ مه‌تر پێشڕه‌وییان كرد و چه‌ندین تێرۆریست كوژران. شه‌ڕڤانانمان ٦ خاڵی دیكه‌یان دامه‌زراند و ده‌ستیشیان به‌سه‌ر بڕێك چه‌ك و ته‌قه‌مه‌نیدا گرت، له‌ شه‌ودا، شه‌ڕڤانان هێرشیان كرده‌ سه‌ر بنكه‌كانی چه‌ته‌كان. له‌ ئه‌نجامدا چه‌ندین چه‌ته‌ كوژران و ده‌ستیش به‌سه‌ر بڕێك چه‌ك و ته‌قه‌مه‌نیدا گیرا، هه‌روه‌ها چه‌ندین مین پووچه‌ڵ كرانه‌وه‌ كه‌ له‌ لایه‌ن چه‌ته‌كانه‌وه‌ جێگیر كرابوون. فڕۆكه‌كانی هاوپه‌یمانه‌تیی نێونه‌ته‌وه‌یی چه‌ندین بنكه‌ی چه‌ته‌كانیان كرده‌ ئامانج، له‌م به‌ره‌یه‌ جار جار شه‌ڕ دێته‌ ئاراوه‌ و تۆپباران ده‌كرێت.

لە بەشێکى دیکەى ڕاگەیەندراوەکەى قەسەدە-دا، ئاماژە بە ڕووداوەکانى بەرەى حەجین، لە گەردەلولى جزیرە، کراوە و دەڵێن: له‌ نێوان شه‌ڕڤانانی ئێمه‌ و چه‌ته‌كاندا شه‌ڕ ڕووی دا و چه‌ندین كاتژمێر به‌رده‌وام بوو. تێرۆریستان له‌و شه‌ڕه‌دا هه‌موو جۆره‌ چه‌كێكی قورسیان به‌كارهێنا، به‌ڵام له‌ ئه‌نجامدا هیچ زیانێك به‌ شه‌ڕڤانانی ئێمه‌ نه‌كه‌وت و ژماره‌ی كوژراوه‌كان و ڕێژه‌ی زیانه‌كانی چه‌ته‌كانیش ڕوون نه‌بوویه‌وه‌، له‌م به‌ره‌یه‌ ماوه‌ ماوه‌ له‌نێوان شه‌ڕڤانانی ئێمه‌ و چه‌ته‌كاندا شه‌ڕ و تۆپباران ڕووده‌دات.

لە کۆتایى ڕاگەیەندراوەکەدا ئامارى گشتى شەڕى ٢٤ کاتژمێرى ڕابردووى گەردەلولى جزیرە، بڵاوکراوەتەوە، کە بەن شێوەیەیە:  ٢٣ چه‌ته‌ كوژران، فڕۆكه‌كانی هاوپه‌یمانه‌تی نێونه‌ته‌وه‌یی ٥ جار بنكه‌كانی تێرۆریستانیان كرده‌ ئامانج، ٢ بنكه‌ی چه‌ته‌كان ڕووخێنران، شه‌ڕڤانان ده‌ستیان به‌سه‌ر چه‌كێكی م١٦، ٦ فیشه‌كی چه‌كی ئێس پی جی٩، ١٠ پاكه‌ت فیشه‌كی دۆشكه‌ی ٢٣، ٢ پاكه‌ت فیشه‌كی دۆشكه‌ی ١٢، بڕێك فیشه‌ك و ١١ فیشه‌كی ئاڕ پی جی-دا گرت.

د.ع