له‌یلا گوڤه‌ن چارەسەری ڕەتکردەوە و به‌رده‌وامه‌ له‌ مانگرتن

له‌یلا گوڤه‌ن له‌ نه‌خۆشخانه‌ ڕه‌تیکرده‌وه‌ چارەسەری بۆ بکرێت، بۆیه‌ برایه‌وه‌ ماڵه‌که‌ی و به‌رده‌وامه‌ له‌ چالاکیی مانگرتن دژی گۆشەگیریی سەر ئۆجالان.


ئەمڕۆ به‌هۆی تێکچوونی باری ته‌ندرووستییه‌وه‌، لەیلا گوڤه‌ن ڕه‌وانه‌ی نه‌خۆشخانه‌ کرا، بەڵام لەوێ ڕەتیکردەوە چارەسەر وەربگرێت، هەربۆیە ڕەوانەی ماڵەوە.

له‌پێناو هه‌ڵگرتنی گۆشه‌گیریی تووندی سه‌ر ئۆجالان، له‌یلا گوڤه‌ن په‌رله‌مانتاری پارتیی دیموکراتیی گه‌لان (هه‌ده‌په‌) و هاوسه‌رۆکی کۆنگره‌ی کۆمه‌ڵگه‌ی دیموکراتی (که‌جه‌ده‌) ماوه‌ی ٩٨ ڕۆژه‌ مانی له‌ خواردن گرتووه‌.

هاوسه‌رۆکی گشتیی پارتیی هه‌رێمه‌ دیموکراتییه‌کان (ده‌به‌په‌) محه‌مه‌د ئارسلان ڕایگه‌یاند، گوڤه‌ن له‌ژێر چاودێریی پزیشکیدایه‌ و ڕه‌تی کردووه‌ته‌وه‌ ته‌داوی بکرێت تا ئه‌و کاته‌ی گۆشه‌گیریی سه‌ر ئۆجالان ده‌شکێنرێت.

ئارسلان ئاماژه‌ی بۆ ئه‌وه‌ کرد، که‌ پێویسته‌ هه‌ر که‌س خاوه‌نداره‌تی له‌ به‌رخۆدانی له‌یلا گوڤه‌ن بکات.

 

ک.ک