لەعێراق و هەرێمی کوردستان ٥٨ کەس توشی کۆرۆنا بوون

وەزارەتی تەندروستی عێراق ڕایگەیاند، کە لەماوەی ٢٤ کاتژمێری ڕابردوودا، ٥٨ کەس لە عێراق و هەرێمی کوردستان توشی ڤایرۆسی کۆرۆنا بوون، لە بەرامبەردا ٣٣ کەس چاک بوونەتەوە، بەوەش کۆی گشتی توشبووان لەعێراق گەیشتووتە ٨٧٨ کەس، کە ٥٦ کەسیان گیانیان لەدەستداوە و ٢٥٩ کەس چاکبوونەتەوە.


لە ڕاگەیەندراوەکەی وەزارەتی تەندروستی عێراقدا هاتووە، لە بەغدا ٣ کەس، بەسرە ٩ کەس، نەجەف ٣٤ کەس، سلێمانی ٤ کەس، هەولێر ٦ کەس، دیالە و موسەنا ٢ کەس، تووشی کۆرۆنا بوون.

لەدرێژەی ڕاگەیەندراوەکەدا هاتووە، کە لە ٢٤ کاتژمێری ڕابردوودا ٢ کەس بە ڤایرۆسی کۆرۆنا لە بەغدا و بەسرە گیانیانلەدەستداوە، هەروەها ٣٣ کەس چاکبوونەتەوە.

وەزارەتی تەندروستی عێراق دەڵێت، کە لەئێستادا کۆی گشتی توشبووان لە عێراق ٨٧٨ کەس، کە ٥٦ کەسیان گیانیانلەدەستداوە و ٢٥٩ کەس چاکبوونەتەوە.

د.ع