لە سنوری پارێزگای کەرکوک ٦ چەتەی داعش کوژاران

هێزەکانی دژەتیرۆری عێراق و هاوپەیمانان، لە ئۆپڕاسێۆنێکدا لە سنوری شارۆچکەی حەویجە شەش چەتەی داعش-یان کوشت.


بەرە بەیانی ئەمڕۆ، لە زنجیرە چیاکانی حەویجە هێزەکانی دژەتیرۆری عێراق، بە هاوکاری هێزەکانی هاوپەیمانان هێرشیان کردە سەر مۆڵگەیەکی چەتەکانی داعش لە ناوچەی کوبەبیە، بەو هۆیە شەش چەتە کوژران و دەست بەسەر بڕێک چەک و تەقەمەنیدا گیرا.

 سەرچاوەیەکی ئەمنی بە ڕۆژنیوزی ڕاگەیاند:"بەرە بەیانی ئەمڕۆ لەلایەن هێزی دژە تیرۆری عێڕاق (فەوج کەرکوکـ) بەهاوکاریی هێزەکانی هاوپەیمانان ئۆپەراسیۆنێکی تایبەت بۆ سەر چیاکانی سنوری  شارۆچکەی حەویجە ناوچەی (کبیبە) ئەنجامدرا، لەئۆپراسیۆنەکەدا شەش چەکداری داعش کوژران".

وتیشی:" هێزەکانمان دەستیان گرت بەسەر دوو ئۆتۆمبێل و ژمارەیەک و تەقەمەنیدا، هەر لەئۆپەراسیۆنەکەدا تواندرا چەند مۆڵگەیەکی چەکدارانی داعش خاپور بکرێت، هەروەها دوو کارمەندی دژە تیرۆر کوژران و سێی دیکە برینداربوون".

د.ع