لە هێرشێکدا چەتەکانی داعش لە ڕومادی ٤ سەربازییان کوشت

چوار سه‌ربازیی عێراقی، له‌ئاكامی هێرشێكی چەتەکانی داعش بۆ سه‌ر خاڵێكی سه‌ربازی له‌ سنوری ڕومادی كوژراون.


ئه‌مڕۆ چەتەکانی داعش له‌ ڕۆژئاوای شاری ڕومادی هێرشیان کردە سەر خاڵێكی سه‌ربازی و بە هۆیەوە چوار سه‌ربازیی عێراق كوژراون.

ماڵپه‌ری سۆمه‌رییه‌ نیوز، لە زاری سه‌رچاوه‌یه‌كی ئه‌منییەوە بڵاویکردەوە، ژمارەیەک لە چەتەکانی داعش، ئەمڕۆ هێرشیان كردوەتە سه‌ر خاڵێكی سه‌ربازی له‌ ڕۆژئاوای شارۆچکەی ڕوتبه‌ له‌ ڕۆژئاوای ڕومادی و له‌ ئاكامدا چوار سه‌ربازی سوپای عێراق كوژراون.

وتیشی: دوای هێرشه‌كه‌ هێزێكی ئه‌منی ناوچه‌كه‌یان گه‌مارۆداوه ‌و ته‌رمی سه‌ربازه‌كانیش بۆ پزیشكی دادی گواستراونەته‌وه‌.

ک.س