هاوپەیمانی: بە هاوکاریی قەسەدە دوو سەرکردەی داعشمان کوشت

هاوپەیمانی نێودەوڵەتی رایگەیاند: بە هاوکاریی هاوپەیمانانی کوردمان لە سوریا دوو سەرکردەی چەتەکانی داعشمان کوشتووە.


کەمێک لەمەوبەر هاوپەیمانی نێودەوڵەتی دژی داعش بە ڕێبەرایەتی ئەمریکا، هەواڵی کوشتنی دوو سەرکردەی چەتەکانی داعشی، بەهاوکاریی هێزە کوردییەکان (قەسەدە) ڕاگەیاند.

هاوپەیمانی ڕایگەیاند: بە هاوکاریی هاوپەیمانە کوردەکانمان لە سوریا، دوو سەرکردەی چەتەکانی داعش لە دێرەزۆر لە هێرشێکی ئاسمانیدا کوژراون.

بە گوێرەی ڕاگەیاندنی هێزەکانی هاوپەیمانی، یەکێک لەو سەرچەتانە، 'ئەحمەد عیسا ئیسماعیل ئەلزاوی' ناسراو بە "ئەبوعەلی بەغدادی"ـە کە وەک سەرچەتەی داعش لە باکوری بەغدا دەناسرێت، یەکێکی دیکەشیان، 'ئەحمەد عەبد محەمەد حەسەن ئەلجەغیفی' ناسراو بە "ئەبو عەمار"ـە کە سەرچەتەیەکی باڵای داعش بووە و چەکی بۆ چەتەکانیان لە عێراق و سوریا دابین کردووە.

هاوپەیمانی هەروەها ڕایگەیاند: ئەم هێرشە پێنج ڕۆژ لەمەوبەر بە هاوکاریی هاوپەیمانانی کورد لە سوریا ئەنجامدراوە و سەرچەتەکانی دیکەی داعشیش لەژێر فشارێکی سەختدان.

ک.س