هێرش کرایەسەر کەمال کلچدارئۆغڵو

له‌ شارۆچکه‌ی چوبوکى تورکیا، لەلایه‌ن گروپێکه‌وه‌ هێرش کرایەسەر کەمال کلچدارئۆغڵو، سه‌رۆکی پارتى گەلى کۆمارى -جه‌هه‌په، کە گەورەترین پارتی ئۆپۆزسیۆنی تورکیایە.


ئەمڕۆ لە شارۆچکەی چوبوکى تورکیا لەلایەن گروپێکەوە هێرش کرایە سەر کەمال کلچدارئۆغڵو، سه‌رۆکی پارتى گەلى کۆمارى -جه‌هه‌په و لەلایەن هێزە ئەمنییەکان و پاسەوانەکانیەوە کلچدارئۆغڵو دوورخرایەوە.

بە پێی میدیاکانى تورکیا، که‌مال کلیچدارئۆغڵو، سه‌رۆکی گشتیی جه‌هه‌په،‌ کە گەورەترین پارتى ئۆپۆزسیۆنى تورکیایە و لە هەڵبژاردنی دواییشدا شارەوانی ئەنقەرە و ئەستەنبوڵی بردەوە، به‌شداریی له‌ پرسه‌ی سه‌ربازێکدا کردوە لەو شارۆچکەیە، بەڵام هێشکراوەتە سەری و لێیدراوە، بەڵام باری تەندروستی جێگیرە.

لەبارەى هێرشەکەشەوە سولەیمان سۆیلو، وەزیرى ناوخۆی تورکیا ڕایگەیاند: هێرشەکەى سەر کەمال کلیچدارئۆغڵو قبوڵنەکراوە و بە تەواوی لە ڕەهەندەکانی دەکۆڵنەوە، عەبدولحەمید گول، وەزیری دادی تورکیاش ڕایگەیاند: ڕێگەنادەن هیچ جۆرێکی توندوتیژی، دیموکراسی لە تورکیا لەکەدار بکات.


ک.ک