هێزه‌كانی ڕزگاریی عه‌فرین له‌ مارع چالاكییان ئه‌نجام دا

هێزه‌كانی ڕزگاریی عه‌فرین (HRE) ڕایانگه‌یاند، کە، له‌ ناوچەى مارع دژی ئۆتۆمبێلێكی چه‌ته‌كان چالاكییەکیان ئەنجامداوە‌.


هێزه‌كانی ڕزگاریی عه‌فرین (HRE) ده‌رباره‌ی چالاكییه‌كانیان له‌ عه‌فرین ڕاگه‌یه‌نراوێكی بڵاوكرده‌وه‌.

له‌ ڕاگه‌یه‌نراوه‌كه‌دا هاتووه‌: له‌ ٢٠ی كانوونی دووه‌م، شه‌ڕڤانانی ئێمه‌ له‌ ده‌وروبه‌ری ناوچه‌ی مارع، كه‌ ده‌كه‌وێته‌ باكوری حه‌له‌ب بلدۆزه‌رێكی چه‌ته‌كانیان كردووه‌ته‌ ئامانج كه‌ توونێل و خه‌نده‌قی بۆ چه‌ته‌كان لێ ده‌دا، له‌ ئه‌نجامی چالاكییه‌كه‌دا بلدۆزه‌ره‌كه‌ به‌ته‌واوی تێكشكێندرا، هه‌رچه‌نده‌ چالاكییه‌كه‌ زیانی گیانیی چه‌ته‌كانیشی لێكه‌وته‌وه‌، به‌ڵام ده‌رباره‌ی ورده‌كارییه‌كه‌ی زانیاری ڕوون به‌ده‌ستنه‌خرا.

د.ع