هەولێر، ژنێک و پیاوێک کوژران

لە سنووری پارێزگای هەولێر، ژن و پیاوێک کوژران، پۆلیس لێکۆڵینەوەی دەستپێکردووە، ئەوەی تا ئێستا پێی گەیشتوون کێشەی کۆمەڵایەتی بووە.


ئەمڕۆ لە شارۆچکەی خەبات'ی سەر بە پارێزگای هەولێر، ژنێک و پیاوێک کوژران، لەوبارەیەوە وتەبێژی پۆلیسی  هەولێر زانیاریی دەداتە ڕۆژنیوز.

هۆگر عەزیز وتەبێژی  پۆلیسی هەولێر، وتی، ئاگادارکراونەتەوە لە دوو حاڵەتی کوشتن و تیمەکانیان ناردووە، "دوای گەیشتن بە شوێنی ڕووداوەکە، دەرکەوت کە ژنێک و پیاوێک لەسەر کێشەیەکی کۆمەڵایەتی کوژراون، کە پیاوەکە خێزاندارە و باوکی منداڵێکە، هەروەها ژنەکەش هاوسەرگریی کردووە و دایکی دوو منداڵە، هەردووکیشیان ئامۆزای یەکترن".

س.ح