پێنجشەممە, 16 أبر 2020 – 20:42 ڕۆژنیوز- ناوەندی هەواڵەکان
دوێنێ فڕۆکە جەنگییەکانی دەوڵەتی تورک هێرشیان کردە سەر کامپی پەنابەرانی شەهید ڕۆستەم جودی- مەخمور، بەهۆیەوە سێ ژنی دانیشتووی ناو کامپەکە شەهید بوون و چەند کەسێکی دیکەش برینداربوون.
ئاڵا تاڵەبانی، ئەندامی ئەنجومەنی نوێنەرانی عێراق، لە ڕاگەیەندراوێکدا لەسەر ئەو ڕووداوە دەڵێت: بۆ ئەو كەس و لایەنانەی خۆیان بەدەم ڕاست و خەمخۆری كورد دائەنێن، هەروەك چۆن بۆ ئەو ژنە ماف خوراوەی پردێ هاتنە دەنگ و بەیاننامەتان دەركردو داوای دەست بەجێ لێكۆڵینەوەتان كردو ئاراستەی كەیسەكەتان بەرەوە نەتەوەیی برد، ئاواش حەقە بۆ شەهیدبوونی سێ ژنە كوردەكەی كامپی مەخمور بەدەنگ بێن و هەمان هەڵوێستان هەبێت، لەمەڕ ئەم خوێن رشتن و كوشتنی بەناحەقەی كورد.
هەروەها دەڵێت: ویژدانتان خەبەری بێتەوە خۆ ئەوانیش كوردن و لەتاو نادادی و سەركوتكردن و ماف زەوتكردنی دەوڵەتی تورك خاك و ئاوی خۆیان لە باكور جێهێشتووە و لێرە لە هەرێمی كوردستان میوانن، بەداخەوە كەچی لە ژێر دەسەڵات و هەیمەنەی حكومەتی هەرێمدا بەڕۆژی روون فڕۆكە جەنگییەكانی توركیا دێن و هەرجارەو پۆلێك مرۆڤی سڤیلی كورد شەهید دەكەن، لەسەر ئەم ناحەقییە بەدەنگ بێن و لایەنی كەم بەیان نامەیەكی ئیدانەی بۆ دەركەن خۆ ئەو خوێنە ڕژاوەش خوێنی گیان فیدایەكی كوردە؟!
د.ع
