هەینی, 13 يول 2018 – 18:07 ڕۆژنیوز – زۆسك باڵەك
ئێوارەی ئەمڕۆ، تۆپخانەكانی ئێران تۆپبارانی كوێستانی گوندەژۆری سەر بەشارۆچكەی چۆمانیان بۆردوومان کرد.
دەربارەی ئەنجامەکانی ئەو تۆپبارانانە، فەرزەنگ ئەحمەد بەرێوبەری شارەدێی حاجی ئۆمەران بە رۆژنیوزی ڕاگەیاند: بەهۆی تۆپبارانی تۆپخانەكانی كۆماری ئیسلامی ئیرانەوە بە دەیان خێزانی جوتیارو مەڕدار كە لەو سنورەدا دەژین، ماڵ و حاڵی خۆیان جێ هێشتووە، و تۆپبارانەکەش نزیکەی ٢٠ خولەکی خایاندووە.
وتیشی: تۆپەكان لە نزیك ماڵەكان دراون، كە لە ‘خرەبەرد و گۆمەهیشك’ لە بناری چیخی دەرێی، گوندی ‘گوندەژۆر’،بووە.
ئەمە لەکاتێکدایە، لە ئێستادا سوپای تورکیش بەردەوام سنوورەکانی باشوری کوردستان بۆردوومان و تۆپباران دەکەن و تا ئیستا بەهۆیانەوە دەیان کەس شەهید و برینداربوون.
س.ح
