جێگری هاوسەرۆکی گشتی ئەنجومەنی خۆبەڕێوەبەری دیموکراتی شەنگال، حسۆ ئیبراهیم ڕایگەیاند، ئەنجومەنی گەل کە بە ٢٧ کەس دروست بوو، ئێستا ٢٧ دەزگا و دامەزراوەی هەیە، بڕیارمان ئەوەیە ئەوانەی خیانەت لە شەنگال دەکەن دەیانخەینە بەردەمی گەلی خۆمان.
ئەمڕۆ لە کۆمەڵەی دووهۆلا لە شەنگال، لە ٧هەمین ساڵیادی دامەزراندنی ئەنجومەنی خۆبەڕێوەبەری دیموکراتی شەنگال کۆبووەوە سەرجەم ئەندامانی ئەنجومەنەکە بەشداربوون و لە کۆبوونەوەکەدا ڕاپۆرتی ئەنجومەنی جێبەجێکاری شەنگال خوێندرایەوە و لە چوارچێوەی ڕاپۆرتەکەدا بارودۆخی سیاسی و ڕێکخراوەیی و ئەو چالاکیانەی ئەنجام دەدرێت بە شێوەیەکی بەرفراوان هەڵسەنگێندرا.
لە کۆبونەوەکەدا سیاسەتی نەهێشتنی ئیدارەی خۆبەڕێوەبەری شەنگال و هەوڵەکان بۆ شکاندنی ئیرادەی کۆمەڵگەی ئێزدی باسی لێوەکرا و لە دژی ئەو سیاسەتانە بەڵێنی زیادکردنی خەباتی خۆبەڕێوەبەری شەنگال درا.
حەسۆ ئیبراهیم، جێگری هاوسەرۆکی ئەنجومەنەکە ڕایگەیاند، کە لە ١٤ی کانوونی دووەم ٢٠١٥، ئەنجومەنەکە پێکهێنرا کە ئامانج لێی شکاندنی هێرش و گەمارۆی چەتەکانی داعش بوو وتیشی “بە هەوڵی شەهیدان، ئەم ئەنجومەنە دامەزرا، کە بەشێک لە ئەندامانی شەهید مام زەکی شەنگالی و شەهید بەرخۆدان و شەهید مەروان بەدەل، هاوسەرۆکی دەستەی بەڕێوەبەری شەنگال بوون”.
ئەو بەبیری هێنایەوە کە لە سەرەتای دامەزراندنی ئەنجومەنی گەلی شەنگالەوە تا ئێستا سەرکردەکانی کۆمەڵگەی ئێزدی کراونەتە ئامانج وتی: ئەم ئەنجومەنە بە ٢٧ کەسەوە دامەزرا، بەڵام ئەمڕۆ ٢٧ ئەنجومەن و دامەزراوەی هەیە.
حەسۆ ئیبراهیم ڕایگەیاند، کە ئەنجومەنی خۆبەڕێوەبەری دیموکراتی شەنگال بۆ یەکەم جار دوای شەهیدبوونی مەروان بەدەل هاوسەرۆکی ئەنجومەنەکە کۆدەبێتەوە وتیشی “بڕیارمان ئەوەیە کە دوای ڕێبازی شەهیدان بکەوین، بڕیاری ئێمەش ئەوەیە کە هەرکەسێک خیانەت لە شەنگال بکات بێ لێپرسینەوە دەربازی نابێت، ئەوانە دەهێنینە بەردەم گەلەکەمان”.
ئەو داواشی لە عێراق کرد کە نەبێتە یاری دەستی دەوڵەتی تورک و پەدەکە، چیتر مافی هاوڵاتی بوونی ئەم گەلە قەبوڵ بکات، چونکە چیتر ئەم گەلەی ئێمە ئەم شتانە قەبوڵ ناکات.
ها-غ
